THUVARHAI 29:4 - Pathien Lekhabu Inthieng (BSI)

⁴ Lal chun rorêlna felin ram chu a tungding a, Amiruokchu, thilthlâwnpêkhai dawngtu chun a suksiet.

THUVARHAI 29:4 ပူးပေါင်းရင်းမြစ်များ

2 SAMUEL 8:15

Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

1 LALHAI 2:12

Chun, Solomon chu a pa David lalṭhungphaa chun a ṭhung a, chuongchun, a ram chu nasataka suknghetin a hung um ta a.

2 CHANCHIN SUINA 9:8

Lalpa i Pathien chu inpâkin um raw se; ama chun Lalpa i Pathien ta dinga lal ni dinga lalṭhungphaa inṭhungtir che chu a lâwm zâwng tak a na; i Pathien chun Israelhai chu kumkhuoa tungding zing chu a nuom zâwng a ni leiin, indiktaka rorêlna chu nei dingin an chunga lalah a siem che a ni hi,” a ta.

JOB LEKHABU (THE BOOK OF JOB) 11:6

Varna thurûkhai chu ân entir ding che bah! Varna chu sîr tamtak a ni si a, Pathien chun i khawhlonain a phu nêka nêp lemin a thaw che a nih ti hre rawh.

INPÂKNA HLABU 89:14

Felna le rorêlna fel chu i lalṭhungpha innghatna a na, Ngilneina le thutak chu i hmaah an fe hlak,

INPÂKNA HLABU 99:4

Laltak hrâtna chun rorêlna a ngaina a, Nang chun thlierbîk nei nawna i sukdet hlak a, Nang chun Jakobrawihai chungah ro i rêl a, feltakin i thaw hlak a.

THUVARHAI 14:34

Felna hin hnam a chawimawi a, Suolna ruok hi chu mi tukhawm ta dinga hmusitumna a nih.

THUVARHAI 16:10

Lal hmûrhaia chun vân tieng thusukthlûk chu a um a, Rorêlnaah a bau chun bawse ngai naw nih.

THUVARHAI 16:12

Khawhlona thaw chu lalhai ta dingin tirdakum a nih, Lalṭhungpha chu felnaa tungding a ni si a.

THUVARHAI 20:8

Rorêlna lalṭhungphaa lal ṭhung chun, A mithaiin thil ṭha naw po po a hnawt dar.

THUVARHAI 29:14

Lal, mi pasiehai ringumtaka ro rêlpêk hlaktu chu, A lalṭhungpha chu kumkhuoin tungding nîng a tih.

THUVARHAI 8:15

Lalhaiin keimain ro an rêl a, Lal nauhai chun keimain rorêl dik chu an sukthlûk bawk a.

ISAI 49:8

Lalpa chun hieng ang hin a tih, “ Hun lâwmumah ka ngaithlâk che a, sandamna niah ka ṭhangpui che; ram inngîr ding le rochan ram râusan ta hnunghai annirawi chu inhluotir dingin ka humhim chein, mihai thuthlung dingin ka ruot che:

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

DANIEL 11:20

“Chun, ama hmuna chun mi pakhat, ram ropuinaa leiman khawna infethlengtirtu ding chu hung ngîrsuok a ta, nisienlakhawm, indona amanih, lunginsenna amani khawm ni lovin, ama chu ni sâwtnawtêah sukbohmang nîng a tih.

MIKA 7:3

An kuthai chu thil ṭha naw chungah taimataka thaw dingin an innghat a; lal chun thamna a ngên a, rorêltu chun lâwmman a ngiet a; milien chun a lungril thil suksuolna a hril suok a; chuong ang chun an inthuruol tâwl a nih.

1 SAMUEL 13:13

Chun, Samuel chun Saula kuoma chun, “I thil thaw dân hi ân vêtthlâk ngawt el: Lalpa i Pathien thupêk, thu a pêk che hi i zâwm naw a nih; Lalpa chun Israelhai chunga în lalna hi kumkhuoa dinga sukdet tum chu a ni a.