THUVARHAI 28:5 - Pathien Lekhabu Inthieng (BSI)

⁵ Mi suol chun rorêlna chu a hrietthiem naw a, Lalpa zawngtuhai ruok chun thil po po an hrietthiem.

THUVARHAI 28:5 ပူးပေါင်းရင်းမြစ်များ

INPÂKNA HLABU 119:100

Tarhai nêk chun ka hriet thiem lem a nih, I thununna thuhai hi ka vawng ṭhat leiin.

INPÂKNA HLABU 119:98

I thupêkhai chun a mi dotuhai nêka var lemin a mi siem a, Kumkhawtluonga ka kuoma a um zing hlak leiin.

INPÂKNA HLABU 25:14

Lalpa thurûk chu ama ṭituhai kuomah a um a, A thuthlung chu anni inhriettir a tih.

INPÂKNA HLABU 92:6

Mi mâwl chun hi hi a hriet naw a; Mi invêtin a hrietthiem bawk nawh:

THUVARHAI 15:24

Mi var lampui chu hringnaah a tungin a kai, Hnuoi tienga Seol chu a mâksan theina dingin.

THUVARHAI 2:9

Chun, rorêlna le felna chu hung hrethiem tâng i ta, Thlierbîk nei nawna chu, anih, lampui ṭha tinrêng el le chun.

THUVARHAI 24:7

Invêt ta ding chun varna chu ân sâng taluo a, Dâikawtkhâra chun a bau chu a ka naw a nih.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

ISAI 44:18

An hriet naw a, an ngaituo bawk nawh; ama chun an hmu thei nawna dingin ân sîmtir ta si a; an hrietthiem nawna dingin an lungril khawm a khârpêk ta a.

ISAI 6:9

Chuongchun, kei chun, “Kei hitaka hin ka um, mi tir ta la,” ka ti a. Chun, ama chun, “Fe la, hi chihai hi hril rawh, ‘Na chun a hriet chu hre unla, a ngaina ruok chu hre naw ro; a hmu chu hmu unla, a hriet chu hre naw ro,’ tiin.

JEREMIA 4:22

“Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

AMOS 3:10

An lal inahai pâwngnêkna le suomhmangna siekhâwmtuhai chun sukdik dân an thiem si nawh,” Lalpain a ti a.

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.

1 JOHAN 2:20

Mi Inthieng kuoma inthawkin hriek nâlna in chang a, iengkim in hriet a nih.

1 JOHAN 2:27

Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.