THUVARHAI 28:16 - Pathien Lekhabu Inthieng (BSI)

¹⁶ Lal naupa hrietthiemna tlasam hi nêksâwrtu nasatak a na, Hlâwkna indiklo theidatu ruok chun a nihai suksei a tih.

THUVARHAI 28:16 ပူးပေါင်းရင်းမြစ်များ

1 LALHAI 12:10

Chun, ama ruolpui tlangvâlhai chun a kuomah, “Hieng mipuihai, ‘I pa khan kan rîngkawl a sukrik êm hlak a, nang chun chu mi sukzângpêk raw khai,’ i kuoma tituhai kuoma chun, hieng ang hin ti la, hieng ang hin an kuoma chun hril rawh, ‘Ka pa kâwng nêk chun ka kutte khawm hi a lien lem a.

1 LALHAI 12:14

tlangvâlhai remruotpui ang khan, “Ka pa chun in rîngkawl a lo sukrik a, kei chun chu in rîngkawl chu ka belsa ding a nih, ka pa chun vuoknain a lo hrâwk hlak cheu a, kei chun chu ainuvêtin ka hrâwk lem ding cheu a nih,” a ta.

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hle a, tangka shekel sâwmli tiem lovin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

THUHRILTU 10:16

Aw ram, i chung a rik! i lal chu naupang a na, I rorêltuhaiin zîngkâr ruoi an ṭhe hlak si a.

THUHRILTU 4:1

Chun, ka thlîr a, nisa hnuoia nêksâwrna thawa umhai po po chu ka hmu a; chun, nêksâwra umhai mitthlihai chu ka hmu bawk a; thlamuontu hrim an nei nawh; nêksâwrtuhai tienga chun thilthawtheina a um a, nisienlakhawm, anni chun thlamuontu hrim an nei nawh.

ISAI 3:12

Ka mihai chu anni nêksâwrtuhai hi naupang an ni ta a, nuhmeihaiin an chungah ro an rêl a. Aw ka mihai, in ṭhuoituhai chun an ṭhuoi suol cheu a, in fena lampuihai chu an suksiet hlak.

AMOS 4:1

Nangni Basan hmun sebâwngpui, Samari tlâng chunga um, rimsihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.