THUVARHAI 27:24 - Pathien Lekhabu Inthieng (BSI)

²⁴ Hausaknahai hi kumkhuoa ding a ni naw a, Lallukhum khawm hin suon po po chu a dai hlak am a nih?

THUVARHAI 27:24 ပူးပေါင်းရင်းမြစ်များ

2 SAMUEL 7:16

Chun, i sûngkuo le i ram chu chatuona suknghet tlat nîng a ta, i lalṭhungpha chu chatuona suknghet nîng a tih,’ a tih,” tiin Lalpa thu a hung tlung a.

JOB LEKHABU (THE BOOK OF JOB) 19:9

Ka lua inthawk chun ka lallukhum chu la hmangin, Ka ropuina chu a mi hlîppêk ta a ni hi.

INPÂKNA HLABU 89:36

A chithlahai chu kumkhuoin um an ta, A lalṭhungpha chu ka hmaah nisa angin um bawk a tih.

INPÂKNA HLABU 89:39

I siehlaw thuthlung chu i tirdak a, A lallukhum chu hnuoia peithla hielin i suktlâwm ta a.

THUVARHAI 23:4

Hung hausa dingin insuklungkham naw la, I varnaa inthawk ngei chun bân rawh.

THUVARHAI 23:5

A um naw chunga chun i mithai chu infûktir naw la, Hausaknahai chun thlahai an insiempêk ngei ngei hlak si a; Muvânlai vântienga vuong hlak ang el chun.

THUHRILTU 5:13

Nisa hnuoia thil ṭha naw lungzingthlâktak ka hmu a um a; chu chu, hausaknahai a neituin ama le ama insuknatna ding chaua a kawl hi a nih;

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 13:18

Lal kuoma le a nu kuoma chun hril la: “Inngaitlâwm unla, ṭhung ro, in lukâwmhai chu a hung inhnuoi ta a, in ropuina lallukhum ngei chu.

ṬAP HLA 5:16

Kan lua inthawk lallukhum chu a tla a, Kan chung a va rik de! kan lo suol ta si a.

EZEKIEL 21:26

Lalpa Pathien chun hieng hin a tih: Lallukhum chu sawn la, lallukhum chu la hmang rawh; hi hi a pângngai zing ni ta naw ni; ân hnuoi chu chawisâng la, ân sâng chu sukhnuoi rawh.

ZEPHANIA 1:18

Lalpa lunginsenna nia chun an tangkain amanih, an rângkachakin amani khawm sansuok thei naw ni a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni si a.

JAKOB 1:10

Hausa ruok chu suktlâwma a um leiin lâwm lem raw se; hlohna pâr angin a la bo el ding a ni si a.

1 SAMUEL 13:14

Nisienlakhawm, tuhin în lalna chu tâwp tâng a tih; Lalpain thu a pêk che i zâwm naw leiin Lalpa chun ama lungril ang put mi a zawng a, mihai chunga hotu ni dingin Lalpain a ruot tah a nih,” a ta.