THUVARHAI 26:1 - Pathien Lekhabu Inthieng (BSI)

¹ Nipui laia vûr le, busîk huna ruo ân hmê naw angin, Inzâkaina hi invêt ta ding chun a âwm nawh.

THUVARHAI 26:1 ပူးပေါင်းရင်းမြစ်များ

ESTHER 4:6

Chuongchun, Hathak chu lal kawtkhâr puoa khawpui khawlaidunga chun Mordekai kuomah a va fe ta a.

ESTHER 4:9

Hathak chu a hung a, Mordekai thuhai po po chu Esther chu a hril ta a.

INPÂKNA HLABU 12:8

Mihriem nauhai lai hin suolna chu chawimawia a umin, Mi rilohai chu an invâk vêl ruoi hlak.

INPÂKNA HLABU 15:4

Hnâwla umhai chu hmusit a, Lalpa ṭituhai ruok chu chawimawi hlak a, Mâni ta dinga pawi ding khawm inkhâma tiem ta chu sukdanglam ngailo;

INPÂKNA HLABU 52:1

Aw mi hrât, iengdinga thil suksuol i suong am a na? Pathien zaidamna chu a um zing hlak a nih.

THUVARHAI 17:7

Thuhril ṭhatak le invêt ân mawi ngai naw a, Hmûr khêlinhlip chu lal nau leh ân mawi naw nâwk zuol.

THUVARHAI 19:10

Inhawi chên hi invêt ta ding chun a âwm naw a, Siehlaw ta dingin lal nauhai chunga rorêl chu a âwm naw nâwk zuol a nih.

THUVARHAI 26:3

Vuokna hruihruol chu sakawr ta ding a na, thîrse chu sabengtung ta ding, Chun, hmawl chu mi invêthai ruongzâng ta ding a nih.

THUVARHAI 26:8

Mi invêt kuoma inzâkaina petu chu, Lung inthuo kâra lunghlu ip ang a nih.

THUVARHAI 28:16

Lal naupa hrietthiemna tlasam hi nêksâwrtu nasatak a na, Hlâwkna indiklo theidatu ruok chun a nihai suksei a tih.

RORELTUHAI 9:20

chuong ang chu a ni naw ruok chun, Abimeleka inthawk hin mei hung chawk suok sienla, Sekema mihai le Beth-miloa mihai chu kâng zo vawng sienla, Sekem le Beth-milo mihaia inthawk mei hung chawk suok sienla, Abimelek chu kâng zo vawng bawk raw se,” a ti a.

RORELTUHAI 9:7

Chun, chu chu Jotham an hril chun Gerizim tlâng sîpah a hang ngîr a, râwl inringtakin a khêk a, an kuomah, “Nangni Sekema mihai, ka thuhril hi ngai ta u, chuongchun, Pathien khawma in thu a lo ngai ve ding a nih.