THUVARHAI 25:5 - Pathien Lekhabu Inthieng (BSI)

⁵ Lal hmaa inthawk chun mi khawhlo chu la hmang la, A lalṭhungpha chu felnaa tungding nîng a tih.

THUVARHAI 25:5 ပူးပေါင်းရင်းမြစ်များ

1 LALHAI 2:33

Chuongchun, an thisen chu Joab lu chung le a thlahai lu chungah kumkhuoin lêt a ta, David chunga dâm, a thlahai chunga dâm, a sûnghai chunga dâm, a lalṭhungpha chunga dâm ruok chun Lalpa kuoma inthawka lungmuongna kumkhuoin um zing lem a tih,” a ta.

1 LALHAI 2:45

Lal Solomon ruok chu malsâwmin um a ta, David lalṭhungpha chu Lalpa hmaah kumkhuoa sukdet ning a tih,” a ta.

1 LALHAI 2:46

Chuongchun, lal chun Jehoiada naupa Benaia chu thu a pêk a, ama chu a va thaw a, a that ta a. Chuongchun, ram chu Solomon kuta suknghetin a um ta a.

ESTHER 7:10

Chun, lal chun, “Chutaka chun ama kha khai hlum ro,” a ta. Chuongchun, Mordekai ta dinga khaihlumna a buotsaia chun Haman chu an khai hlum ta a. Chun, lal lunginsen chu a hung dam ta a.

THUVARHAI 16:12

Khawhlona thaw chu lalhai ta dingin tirdakum a nih, Lalṭhungpha chu felnaa tungding a ni si a.

THUVARHAI 20:28

Lunginsietna le thutak hin lal chu a vawngṭha a, A lalṭhungpha khawm chu zângainaa tungding a nih.

THUVARHAI 20:8

Rorêlna lalṭhungphaa lal ṭhung chun, A mithaiin thil ṭha naw po po a hnawt dar.

THUVARHAI 25:6

Lal hmaihmaa chun nang le nang inhrilmawi naw la, Mi ropuihai hmuna khawm chun ngîr naw rawh.

THUVARHAI 29:14

Lal, mi pasiehai ringumtaka ro rêlpêk hlaktu chu, A lalṭhungpha chu kumkhuoin tungding nîng a tih.

ISAI 16:5

Chuongchun, lalṭhungpha chu lunginsietnaa sukdetin um a ta, chu chunga chun, David puon ina chun, mi pakhat, rorêlin, rorêlna fel zawngin, thil fel inhmâwtaka thaw nghâlin, titakzetin ṭhung a tih.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.