THUVARHAI 25:18 - Pathien Lekhabu Inthieng (BSI)

¹⁸ Mi a tuolbâwm chunga hrietpuina indiklo phurtu chu, Hembâwk le kâwlhnâm le thal ngei a nih.

THUVARHAI 25:18 ပူးပေါင်းရင်းမြစ်များ

INPÂKNA HLABU 57:4

Ka hringna hi sakeibaknei laiah a um a, Mihriem nauhai fa zo hmangtuhai laia chun ka zâl a. Chuonghai hahai chu fei le thalhai an nih; An lei chu kâwlhnâm ngeitak a nih.

THUVARHAI 12:18

Kâwlhnâm isun anga tlahawltaka thuhril a um a, Mi var lei ruok chu a hrisêl a nih.

JAKOB 3:6

Chun, lei hi mei a nih; ei taksa pênghai laia rîtlona hlawm chu lei hi a nih; chu chun taksa chu a pumin a sukthieng naw a, piengpui tawlailîr chu a sukkâng a, ama chu hremhmun sukkâng a nih.

JEREMIA 9:8

An lei chu thi theina thal a na; thukhêl a hril a, mi pakhatin a tuolbâwm kuomah a bau chun thlamuongumtakin thu a hril a, nisienlakhawm, a lungril chun ama chu ân chân rûk zing a.

JEREMIA 9:3

Thudik nawa dingin an thalngul ang elin an lei chu an kuoi a; chu rama chun thahrâttakin an hung inṭhang a, thudika ruok chun ni lovin; thil suola inthawkin thil suola vêk chun an pakai a, kei khawm an mi hriet hlawl nawh, Lalpa chun a tih.

THUVARHAI 24:28

A san boin i vênghai chungah thuhretu ni naw la, I hmûrhai chun hlêm bawk naw rawh.

INPÂKNA HLABU 140:3

An lei chu rûl angin an sukngei a, An hner sûnga chun rûlriel tûr a um a.

INPÂKNA HLABU 52:2

Thil suol tak thaw i suongtuo hlak a, I lei chu rêpvâw chem ngeitak ang a na, Khêlhlip a sâksuok hlak.

INPÂKNA HLABU 55:21

A bau chu nênetui kîng angin a tlawr a, A lungril ruok chu indona a ni si a; A thuhai chu hriek nêkin ân nâl a, Nisienlakhawm, kawlhnâm phawisahai a ni si a.

FESUOKNA 20:16

I vênghai chungah hrietpuina inkhêl i hril ding a ni nawh.

THUVARHAI 25:17

I tuolbâwm ina chun i ke chu lût inkhât vieu raw se, Chuong naw chun, nghawk a ti che a, theida rawi a ti che.