THUVARHAI 24:14 - Pathien Lekhabu Inthieng (BSI)

¹⁴ Chuongchun, i lungrila um ding varna chu hrieng i ta, I hmu suok chun, chu chun lâwmman chu um a ta, I beiseina chu sukbo ni naw nih.

THUVARHAI 24:14 ပူးပေါင်းရင်းမြစ်များ

INPÂKNA HLABU 119:103

I thuhai hi ka bau ta dingin a va thlum de; Anih, ka bau ta ding chun khuoizu nêkin a thlum lem.

INPÂKNA HLABU 119:111

I thuinhriettirhai chu kumkhawtluonga ka ro dingin ka lâk a, Ka lungril suklâwmtu a ni si a.

THUVARHAI 16:24

Thu lâwmumhai chu khuoithlâr ang a na, Lungril ta dingin a thlum a, ruhai ta dingin hrisêlna a nih.

THUVARHAI 2:10

Varna chu i lungrila chun hung lût a ta, I hringna ta ding chun hrietna chu inhawitina nîng a tih.

THUVARHAI 22:18

Nangma sûnga i vawng ṭha chun thil inhawi a ni si a, I hmûrhaia chun tungding an ni ve bawk chun.

THUVARHAI 23:18

Matheilovin chutaka chun lâwmman a um a, I beiseina chu thlâwn dêr naw nih.

JEREMIA 15:16

I thuhai chu hmu suok a ni ta a; chuong chu ka fâk a; chuongchun, i thuhai chu ka lungrila hlimna le, ka ta dinga lâwmna a nih; Aw Lalpa sipaihai Pathien, i hming chawia ko ka ni si a.

MATTHAI 19:21

Isûn a kuomah, “Ṭha famkima um i nuom chun, fe la, i nei chu zawr la, pasiehai kuomah pe rawh; chuongchun, vânah ro nei i tih; chun hung la, mi hung zui rawh,” a ta.

JAKOB 1:25

Amiruokchu, tûkhawm dân famkim, zalênna dân hi bia, chuong anga um zinga, ngaia theinghil nâwk el hlaktu ni lova, zâwma sin thaw rawptu ni lem chu, ama chu a thil thawah malsâwmin um a tih.