THUVARHAI 24:13 - Pathien Lekhabu Inthieng (BSI)

¹³ Ka naupa, nang chun khuoizu fa rawh, a ṭha si a; Khuoithlâr fa rawh, chu chu i bauah a thlum a nih.

THUVARHAI 24:13 ပူးပေါင်းရင်းမြစ်များ

INPÂKNA HLABU 119:103

I thuhai hi ka bau ta dingin a va thlum de; Anih, ka bau ta ding chun khuoizu nêkin a thlum lem.

INPÂKNA HLABU 19:10

Chuong chu rângkachak nêka ditum a na; anih, rângkachak inthieng tamtak nêk khawmin. Khuoizu le khuoithlâr nêk khawmin a thlum lem bawk a nih.

THUVARHAI 16:24

Thu lâwmumhai chu khuoithlâr ang a na, Lungril ta dingin a thlum a, ruhai ta dingin hrisêlna a nih.

THUVARHAI 25:16

Khuoizu i hmu am? I ta dinga huntâwk chu fa el rawh, Chuong naw chun, khawp taluong i ta, inluok rawi i tih.

THUVARHAI 25:27

Khuoizu hi fâk ṭeu el chu a ṭha naw a; Miin mâni ropuina ding ngawt a zawng hi ropuina a ni nawh.

THUVARHAI 27:7

Mi khawp chun khuoithlâr khawm chu a tirdak a, Mi phîngṭâm ta ding ruok chun thil kha tinrêng khawm chu a thlum.

HLAHAI HLA 4:11

I hmûrhai chu, aw ka mo, khuoizu bâwm angin a far a, I lei hnuoia chun khuoizu le nênetui a um a; I silfênhai rim chu Lebanon rim ang a nih.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Aw ruolhai, fa ta u, Dâwn unla, dâwn ṭeu ro aw hmangaitak.

ISAI 7:15

Ama chun thil ṭha naw tieng dit naw dân a hriet a, thil ṭha tieng dit nachâng a hriet pha chun nênetui kîng le khuoizu fa hlak a tih.

MATTHAI 3:4

Chun, Johan chun sanghâwngsei hmul puon a sil a, a kâwng chu savun kâwngkhiin ân khit a; a bu chu khâuṭhikṭhi le ram khuoizu a nih.

RORELTUHAI 14:9

Chu chu a lâk a, a fe nâwk ta a, fe malam chun a fâk pei a; chun, a nu le pa kuom chu a hang tlung a, anni khawm a pêk ve a; anni khawm chun an fâk a, amiruokchu, khuoizu chu sakeibaknei taksaa inthawka a lâk a nih ti iengkhawm a hril naw a.

1 SAMUEL 14:27

Nisienlakhawm, Jonathan chu a pa chun mipuihai chu inkhâma a vau lai a hriet ve naw a; chuongchun a hmawl chawi hmawr chu khuoithlâra chun a sunphûm a, a liek a, chuongchun, a mit meng chu a hung fie ta a.