THUVARHAI 24:12 - Pathien Lekhabu Inthieng (BSI)

¹² “Ngai ta u, hi mi hi kan hriet nawh,” in ti chun, Lungrilhai ngaituo bûktu chun a ngaituo naw ding am a nih? I lungril vawng ṭhatu chun a hriet naw ding am a nih? Mi tin kuomah a sinthaw ang peiin a pêk ding a ni naw am a nih?

THUVARHAI 24:12 ပူးပေါင်းရင်းမြစ်များ

JOB LEKHABU (THE BOOK OF JOB) 34:11

Mi chu a sinthaw ang peiin ama kuomah a pêk ding a na, A lampuihai ang peiin mi tin chu ân hmutir ding a ni hi.

INPÂKNA HLABU 121:3

Ama chun i ke chu khaisawn phal naw ni a, Nangma vêngtu chu inlusu naw ni.

INPÂKNA HLABU 121:8

Lalpa chun i suok le i lût chu vêng a ti che, Tuta inthawka kumkhawtluongin.

INPÂKNA HLABU 17:3

Ka lungril hi i fie a, zânah nangin i mi hung sir a; I mi fie ta a, iengkhawm i hmu si naw a; Ka baua hril suol lo chu ka tum tlat a nih.

INPÂKNA HLABU 44:21

Pathienin chu chu a zawng suok naw ding am a nih? Lungril thup rûkhai hi a hriet zing si a.

INPÂKNA HLABU 62:12

Aw Lalpa, zainêmna hi i ta bawk a nih, Mi tin an thilthaw ang sengin i thung hlak si a.

INPÂKNA HLABU 66:9

Ama chun ei hringna hi a sukhring zing a, Ei kehai hi suktâwl a phal nawh.

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak si a.

INPÂKNA HLABU 94:9

Na inbûktu chun a hriet naw ding am a nih? Mit siemtu chun a hmu naw ding am a nih?

THUVARHAI 12:14

A baua ra thil ṭha chun mi chu suktlai nîng a ta, Ama kut thilthawhai ngei chu a kuomah pêk nîng a tih.

THUVARHAI 16:2

Mihriem lampuihai po po chu ama mithmuahai chun ân thieng a, Lalpa ruok chun lungrilhai chu ân khi hlak.

THUVARHAI 21:2

Mihriem lampui tin el chu ama mithmua chun ân dik a, Amiruokchu, Lalpa chun lungril chu ân khi hlak a nih.

THUVARHAI 5:21

Mihriem lampuihai chu Lalpa mithai hmaah a um si a, Ama chun a lampuihai po po chu a siemruol hlak.

THUVARHAI 5:22

Mi khawhlo chu ama khawhlona ngei chun lâng a ta, A suolna hruihai chun ama khit tlat nîng a tih.

THUHRILTU 5:8

Mi rimsi chu nêksâwra a um a, rambunga thawluina chun rorêlna le indikna chu lâk hmang i hmu chun, chu thila chun makti naw rawh, hotu insâng chu a nêka insâng lem chun a enthlit zing si a, anni nêka insâng lem khawm chu an la um pei a nih.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 32:19

rorêlnaa ropui le, sinthawa thilthawthei tak, mihriem nauhai umdân po po hmu zing hlak; mi tin chu ama um dân le a thilthawhai ang peia pe dingin;

ṬAP HLA 3:36

Mi chu a chungthua hnuoisie chu, Lalpa chun rem a ti nawh.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

THILTHAWHAI 17:28

Ama leiin, ei hring, ei châng, ei um a ni si a; nangni hlaphuokthiem tuhai amani khawmin, ‘Eini khawm a thlahai ei nih,’ tia an hril ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:16

Pathienin ka Chanchin Ṭha hril anga mihriemhai thurûk Isu Krista hmanga a ngaituo ni chun chuong ang chu nîng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:6

Pathien chun mi tin an sinthaw ang peiin rêlpêk a tih,

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 5:10

Mi tinin taksaa ei thilthawhai a sie a ṭhaa ei thaw ang peia ei hmu seng theina dingin, Krista rorêlna ṭhungpha hmaa chun suklangin ei um vawng ding a ni si a.

THUPUONGSUO 1:18

Mi Hring chu ka nih, ka lo thi a, nisienlakhawm, ngai ta, kumkhuoa dingin ka hring nâwk ta a nih. Thina le Mithi Khaw chabihai chu ka nei bawk a.

THUPUONGSUO 2:18

Chun, Thuatiraa kohran tirko kuoma chun hieng hin ziek rawh: “ ‘Pathien Naupa, mit meichawk ang nei, a kephahai dâr tle mi ang khan, hieng thu hi a hril a nih:

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

THUPUONGSUO 22:12

“Ngai ta, ka hung vak ding a nih; mi tin an thilthaw ang peia pêk dingin ka lâwmman ka kuomah a um a.

1 SAMUEL 16:7

Nisienlakhawm, Lalpa chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, Lalpa chun mihriem en dân angin a en ve si naw a, mihriem chun puotienga inlang dân an en hlak a, Lalpa ruok chun lungril tieng a en lem hlak a nih,” a ta.

1 SAMUEL 2:3

Chuong ang taka chapo chun thu hril ta naw unla, In baua inthawkin ṭawng chapo hrim hrim suok naw raw se; Lalpa chu varna Pathien a ni si a, Ama chun thilthawhai chu a bûk fie hlak.

1 SAMUEL 2:6

Lalpa chun a sukhlum hlak a, a sukhring bawk hlak, Thlânah ân fe thlâktir hlak a, a ṭhuoi suok bawk hlak.

1 SAMUEL 25:29

Nangma hnawt ding che le i hringna sukbo dingin mihai hung inthawk hai sien khawm, Lalpa i Pathien chun ka pu hringna hi vênghim tlat a ta; i hmêlmahai hringna ruok chu vailungdênga dêng angin dêng hmang dai a tih.