THUVARHAI 24:1 - Pathien Lekhabu Inthieng (BSI)

¹ Mi rilohai chu inhnar naw la, Anni le um khawm chu châk naw rawh.

THUVARHAI 24:1 ပူးပေါင်းရင်းမြစ်များ

INPÂKNA HLABU 1:1

Mi rilohai remruot ang chu hraw lova, Mi suolhai lampuia khawm ngîr ngai lova, Hmusittuhai ṭhungphaa khawm ṭhung ngailo mi chu a hamṭha.

INPÂKNA HLABU 26:9

Mi suolhai laia chun mi peisa naw la, Ka hringna khawm hi thisen insuo hmanghai lai chun la sa bawk naw rawh.

INPÂKNA HLABU 37:1

Thil ṭha naw thawtuhai leiin insuklungngai nuom naw la, Fel nawtaka thawtuhai chu inhnar bawk naw rawh.

INPÂKNA HLABU 37:7

Lalpaa chun châwl la, ama chu nghâk fan fan rawh; Ama lampuia vângneina dawngtu lei chun insuklungngai nuom naw rawh, Ngaituo suolhai puitlintu lei chun.

INPÂKNA HLABU 73:3

Mi rilohai vângneizie ka hmuin, Mi uonghai chu kân hnar si a.

THUVARHAI 13:20

Mi varhai intlawnpui la, nang khawm var i tih, Mi invêthai inruolpui ruok chu suksiet nîng a tih.

THUVARHAI 23:17

I lungril chun misuolhai inhnar naw raw se, Sûnnithlâkin Lalpa ṭînaa chun um zing lem rawh.

THUVARHAI 24:19

Thil suol thawtuhai leiin inlau naw la, Mi khawhlo khawm chu inhnar bawk naw rawh.

THUVARHAI 3:31

Mi nunrâwng chu inhnar naw la, A lampuihai hrim hrim chu thlang ngai naw rawh;

THUVARHAI 4:14

Mi khawhlo lampuia chun lût naw la, Mi rilohai lampui chu hraw naw rawh.

THUVARHAI 4:15

Pumpel la, achun fe dêr naw; Chutaka inthawk chun inherhmang la, fe pei rawh.