THUVARHAI 23:9 - Pathien Lekhabu Inthieng (BSI)

⁹ Mi invêt hrieta chun thu hril naw la, I thu varnahai chu a hmusit ding a ni si a.

THUVARHAI 23:9 ပူးပေါင်းရင်းမြစ်များ

THUVARHAI 1:7

Lalpa ṭina chu hrietna bul a nih: Amiruokchu, invêt chun varna le inchûktirna chu an hmusit a.

THUVARHAI 14:7

Mi invêt hmaihmaa inthawk chun fe hmang rawh, Amaa inthawk chun thiemna hmûrhai hmu chuong naw ti nih.

ISAI 36:21

Anni ruok chu an to zing a, bau khat khawma an dawn nawh; lal thupêk chu, “Ama chu dawn naw ro,” ti a ni si a.

MATTHAI 7:6

“Ui kuoma dâm thil inthieng chu pe naw ro; vawk hmaa dâm in lunghlu pei bawk naw ro; chîl se hlau rawi an ta; ngha lêtin phirthlêr rawi an ti cheu.”

LUKA 16:14

Chun, Pharisai tangka ngainatuhai chun chuong thu chu an hriet a, an nuisan a.

JOHAN 10:20

Mi tamtakin, “Khawhri a zâwl a, ân vêt a ni hi; iengdinga a thu in ngai am a na?” an ta.

JOHAN 8:52

Judahaiin a kuomah, “Khawhri zâwl i nih ti tuhin kan hriet tah. Abraham a thi tah, zâwlneihai leh, nangin, ‘Miin ka thu a zâwm chun, kumkhuoin thina intem naw nih,’ i ti si a.

JOHAN 9:40

Chun, a kâwla Pharisai umhai chun chuong thu chu an hriet a, a kuomah, “Keini khawm hi mitdel kan ni ve am a nih?” an ta.

THILTHAWHAI 17:18

Chun, Epikuria mi le Stoik mi laia mi var tuhai amanih khawmin ama chu an hung sêl a, a ṭhenin, “Hi mipa bautam hin ieng am hril a tum a?” an ta. A ṭhenin, (Isu thu le thonâwkna thu a hril leiin,) “Ram dang pathienhai thu hriltu a ni âwm ie,” an ta.

THILTHAWHAI 17:32

Chun, mithi laia inthawka thonâwkna thu chu an hriet phingleh a ṭhenin an nuisan a; a ṭhenin, “Hi thu hi i kuomah la ngai nâwk kan tih,” an ta.