THUVARHAI 23:26 - Pathien Lekhabu Inthieng (BSI)

²⁶ Ka naupa, i lungril mi pe ta, Chun, ka lampuihaia chun i mithai khawm chu fu bawk raw se.

THUVARHAI 23:26 ပူးပေါင်းရင်းမြစ်များ

INPÂKNA HLABU 119:2

A thuinhriettirhai zâwmtuhai chu an hamṭha, Lungril po poa zawngtuhai chu.

DÂN PAHNINA 6:5

Lalpa in Pathien chu in lungril po poin, in lungvar po poin, in hrâtna po poin in hmangai ding a nih.

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um si a.

THUVARHAI 3:1

Ka naupa, ka inchûktirna hi theinghil naw la, Ka thupêkhai hi i lungrilin vawng tlat lem raw se:

EPHESI 3:17

Krista chu ringna leia in lungril sûnga a chêng theina dingin; chuongchun, hmangainaa zung kei le, innghatna neia umin,

THUVARHAI 4:4

Chun, a mîn chûktir a, ka kuomah a hril a, “Ka thuhai hi i lungril invawngtir zing la; Ka thupêkhai hi vawng la, hring rawh;

LUKA 14:26

“Tûkhawm ka kuoma hung chun a pa dâm, a nu dâm, a nuhmei dâm, a nauhai, a unauhai, a farnuhai, ama hringna chenin a theida naw chun, ka închûktir ni thei naw ni.

HOSEA 14:9

Tu am vara hieng hi hrethiem thei ding? Tu am var hlea hre thei ding? Lalpa lampuihai chu an indik a; Mi indikhai chun an hraw ding a ni si a; Bawsetuhai ruok chu chutaka chun An insui thlu ding a nih.

INPÂKNA HLABU 107:43

Tukhawm a var taphawt chun chuong chu vawng ṭhâng an ta, Lalpa ngilneina chu ngaituong an tih.

2 PETER 1:19

Chun, hrillâwkna thu det nâwkzuol chu kan nei a nih, khuo a hung var a, sikhawvar chu in lungrila a hung suok hmakhat, hmun inthima khâwnvar var ngaisak anga in ngaisak chun thaw ṭhang in tih.

2 KORINTH 8:5

Chu khawm chu kan ring naw ang takin an thaw a. Pathien dit zâwngin Lalpa kuoma le keini kuomah anni an inpêk hmasa zet zet a nih.

INPÂKNA HLABU 1:2

A lâwmna chu Lalpa dânah a ni lem a, A dân thu chu a sûn a zânin a ngaituo hlak a.

INPÂKNA HLABU 119:24

I thuinhriettirhai chu ka lâwmna a na, Rem mi ruotpêktu khawm a nih.