THUVARHAI 23:17 - Pathien Lekhabu Inthieng (BSI)

¹⁷ I lungril chun misuolhai inhnar naw raw se, Sûnnithlâkin Lalpa ṭînaa chun um zing lem rawh.

THUVARHAI 23:17 ပူးပေါင်းရင်းမြစ်များ

INPÂKNA HLABU 111:10

Lalpa ṭina chu varna bul a na, Chuong anga thaw taphawthai chun hrietthiemna ṭha an nei a. Ama inpâkna chu kumkhawtluonga um ding a nih.

THUVARHAI 15:16

Hausakna nasatak, buoipuiumtak nêkin, Lalpa ṭina le tlâwmte nei a ṭha lem.

THUVARHAI 24:1

Mi rilohai chu inhnar naw la, Anni le um khawm chu châk naw rawh.

THUVARHAI 24:19

Thil suol thawtuhai leiin inlau naw la, Mi khawhlo khawm chu inhnar bawk naw rawh.

THUVARHAI 24:21

Ka naupa, nang chun Lalpa le lal chu ṭi la, Insukdanglam hmanghai chu vân kawppui bawk naw rawh.

THUVARHAI 28:14

Lalpa ṭi zing zinga um hlak mi chu a lâwm a, A lungril sukngartu ruok chu lungngainaah tla lût a tih.

THUVARHAI 3:31

Mi nunrâwng chu inhnar naw la, A lampuihai hrim hrim chu thlang ngai naw rawh;

THUHRILTU 5:6

I bauin suolna tieng a ṭhuoilût ding che phal naw la; Pathien mitirhai hmaa chun 'intiem suolpal a ni kha' ti bawk naw rawh; iengleiin am i ṭawngbauah Pathien chu lunginsenin, i kut sinthawhai chu a sukbohmang el a ta?

THUHRILTU 5:7

Mang tamtak le, thu tamtakhaia chun teplo tamtak a um a; nang ruok chun Pathien ṭi rawh.

THILTHAWHAI 9:31

Chuongchun, kohranhai chu Judai ram vêla dâm, Galili ram vêla dâm, Samari ram vêla dâm chun an det deu deu a, muongtakin an um ta a; chun, Lalpa ṭi dêkin, Thlarau Inthieng ithlamuongin an um a, an hung pung ta deu deu a.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.