THUVARHAI 22:7 - Pathien Lekhabu Inthieng (BSI)

⁷ Mi hausa chun mi pase chunga chun ro a rêl a, Thil pûktu chu ân pûktirtu siehlaw a nih.

THUVARHAI 22:7 ပူးပေါင်းရင်းမြစ်များ

2 LALHAI 4:1

Chun, zâwlnei naupasalhai nuhmeihai laia nuhmei tu amani chu a khêk a, Elisa kuomah, “I siehlaw ka pasal chu a thi ta a, i siehlaw chun Lalpa a ṭi hlak ti i hriet a, chuongchun, a leibatnapa a hung a, ka nauhai pahni suoka um dingin ama kuomah ṭhuoi a tum a nih,” a ta.

THUVARHAI 14:31

Mi pasie nêksâwrtu chun ama Siemtu a hmusit a nih, Tlasam chunga lunginsietna nei ruok chun ama ân za a nih.

THUVARHAI 18:23

Mi pasie chun ngênna thuhai a hmang hlak a, Mi hausa ruok chun tlahawltakin a dawn hlak.

THUVARHAI 22:16

A hlâwkna dinga mi pasie nêksâwr a, Mi hausa kuoma pe hlaktu chu a hung hlawsam tei hlak.

THUVARHAI 22:22

Pasie chu a pasiet leiin lâkpêk naw la, Dâikawtkhâra sawisaka umhai chu nêksâwr bawk naw rawh.

ISAI 24:2

Chun, vântlâng chunga a um angin, thiempu chunga khawm um a ta, suokpa chunga a um angin a pu chunga khawm um a tih; suoknu chunga a um angin a pi chungah um a ta; inchawtu chunga a um angin a zawrtu chunga khawm um a tih; inpûktirtu chunga a um angin a pûktu chunga khawm um a tih; a pung hnawta inpûktirtu chunga a um angin a kuoma a pung petu chunga khawm um a tih.

AMOS 2:6

Lalpain hieng ang hin a tih, “Israel bawsietna pathum leiin, anih, pali leiin, a hremna sukbo naw ning; tangka mana mi fel an zawr lei le kekawk bun khat mana mi tlasam an zawr leiin;

AMOS 4:1

Nangni Basan hmun sebâwngpui, Samari tlâng chunga um, rimsihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.

AMOS 8:4

Chun, hi hi ngai ta u, nangni tlasamhai fa zo nuom a, ram mi rimsi sukbo nuomhai,

AMOS 8:6

tangkaruoa mi rimsi inchaw a, mi tlasamhai chu kekawk bun khata inchaw a, busi ei zawr theina dingin,” tiin.

MATTHAI 18:25

Pêk ding a nei naw leiin, a pu chun a nuhmei leh, a inei po po leh zawra thung ding thu a pêk a.

JAKOB 2:6

Nangni ruok chun pasie chu in sukmuolpho ta lem a nih. Mi hausahai chu a suknawmnatu cheu le, rorêlna ina kei lût hlaktu cheu chu an ni naw am a nih?

JAKOB 5:1

Mi hausahai, ngai ta u khai! In chunga rinum hung tlung ding zing lei chun ṭap unla, khêk rak rak ro.

JAKOB 5:4

Ngai ta u, in lova bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût ta a.