THUVARHAI 22:4 - Pathien Lekhabu Inthieng (BSI)

⁴ Inngaitlâwmna lâwmman le Lalpa ṭîna chu Hausaknahai le inzâkaina le hringna a nih.

THUVARHAI 22:4 ပူးပေါင်းရင်းမြစ်များ

THUVARHAI 19:23

Lalpa ṭîna chun hringna ân tlun a, Chu chu neitu chu tlaitakin um a ta, Thil ṭha naw hrimin ama chu sir ngai naw nih.

THUVARHAI 21:20

Mi var chêngnaa chun hriek le hausakna hlutak chu a um a, Mi invêt ruok chun a lem zo hlak.

THUVARHAI 21:21

Zângaina le felna hnawttu chun, Hringna, felna le inzâkaina a hmu hlak.

THUVARHAI 22:3

Mi var chun thil suol chu a hmu a, ân bi a, Mi mâwl ruok chu a fe pei a, a tuor pha hlak.

THUVARHAI 22:5

Mi dukdaklo lampuia chun hlinghai le chânghai an um a, A lungril vêng ṭhatu chu chuonga inthawka hlataka chun um a tih.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

THUVARHAI 3:16

A kut changtieng chun nihai seina chu a um a; A kut vawitieng chun hausaknahai le inzaumna an um bawk a.

THUVARHAI 31:30

Ditsakna hi hmusitum a na, mawina khawm hi teplo mei mei a nih, Amiruokchu, nuhmei Lalpa ṭitu chu, ama chu inpâkin um a tih.

ISAI 33:6

I dam sûng chun um nghetna um a ta, sandamna dâm, varna dâm, hrietna dâm um ṭeu a tih; Lalpa ṭîna chu a ro a nih.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

DANIEL 4:36

Chu chu huna chun ka hrietthiemna chu ka kuomah a hung kîr nâwk a; ka ram ropuina le ka înlalna le êngna chu ka kuomah an hung kîr nâwk si a; chun, ka upahai le ka lalhai chun an mi zawng a; ka rama chun tungdingin ka um a, ropuina nasatak el chu ka kuomah belsain a um ta a.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.

JAKOB 4:10

Lalpa mithmuin inngaitlâwm ro, chuongchun, chawimawi a ti cheu.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.