THUVARHAI 21:16 - Pathien Lekhabu Inthieng (BSI)

¹⁶ Mi hrietthiemna lampuia inthawka invâkhmang chu Mithihai inkhâwmnaa chun châwl a tih.

THUVARHAI 21:16 ပူးပေါင်းရင်းမြစ်များ

INPÂKNA HLABU 125:5

An lampui kâwia pêthai ruok hi chu, Lalpa chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 49:14

Berâm ruol angin Seol ta dinga ruot an na, Thina chu an vêngtu ning a ta, Zîngtieng chun mi indiktakhaiin an chungah thu nei an ta, An umna hrim hrim a um nawna dingin, an mawina chu Seol suksiet ding nîng a tih.

THUVARHAI 11:19

Felnaa ngîr det tlattu chun hringna chu hmûng a ta, Suolna hnawttu chun a thina ding ngeiin a thaw a nih.

THUVARHAI 13:20

Mi varhai intlawnpui la, nang khawm var i tih, Mi invêthai inruolpui ruok chu suksiet nîng a tih.

THUVARHAI 19:16

Thupêk vawngtu chun a lungril chu a vawng ṭha a na, A lampuihaia fîmkhur lo chu thîng a tih.

THUVARHAI 2:13

Inthimna lampui hraw dinga, Felna lampuihai nghatsantuhaia inthawk le,

THUVARHAI 5:23

Inchûktirna tlasamin thîng a ta; Ân vêtna nasat lei chun ama chu invâkhmang a tih.

THUVARHAI 9:18

Amiruokchu, mithihai chu chutaka chun an um ti a hriet naw a, Amanu mikhuolhai khawm chu Seol lipuia chun an um ti a hriet bawk nawh.

EZEKIEL 18:24

Nisienlakhawm, mi fel chu a felnaa inthawka ân her hmang a, suolna a thaw chun, mi rilovin a thaw hlak anga tirdakumnahai po po kha a thaw ve chun, a hring ding am a nih? A thilthaw felhai, a lo thaw tahai a ieng ieng khawm kha hriet zing ni ta naw ni a, a bawsietnaa a bawsietna le, a suolnaa a suksuolna chun, chuongahai chun a thi ngei ding a nih.

ZEPHANIA 1:6

Lalpa zuinaa hnungkîrtuhai le, Lalpa chu zawng ngai lo a, ama chanchin khawm indawn ngai lohai chu sukbohmang ka tih.”

EPHESI 2:1

Nangni khawm in bawsiet le in suolhai leia thi in ni lai khan, a sukhring cheu a nih,

HEBRAIHAI 10:38

Nisienlakhawm, ka mi fel chu Ringnain hring a tih; A hnungtawl ruok chun, Ka lungrilin amaa chun lâwmna hrim nei naw ni,”

1 JOHAN 2:19

Anni chu eini laia inthawkin an suok a, nisienlakhawm, eini mi tak an ni nawh; eini mi tak ni hai sienla, eini kuomah an um ve pei ding a ni si a. Nisienlakhawm, an rêngin eini mi tak an ni naw vawng ti ân lang fel theina dingin an mi suoksan ta a nih.

JUDA 1:12

Chuonghai chu, zakmawtaka an insukhlimtuona leiin, hmangaina ruoi in ṭhenaa chun, in hmêlsietna an nih; mâni hmakhuo chau ngai mi an ni a; sûm tui painaw, thli imût lênghai an nih; favânga thing ra naw, vawi hni thi tah, a zung puma phawi dawk tahai an nih;