THUVARHAI 21:1 - Pathien Lekhabu Inthieng (BSI)

¹ Lal lungril chu tui luong ruomhai angin Lalpa kuta chun a um a, Ama nuomna tieng tieng a hêm hlak.

THUVARHAI 21:1 ပူးပေါင်းရင်းမြစ်များ

2 LALHAI 19:33

An hungna lampuiah, chutaka ngei chun lêt nâwk a ta, hi khawpui hi hung tlung naw nih,’ Lalpain a tih.

EZRA 1:1

Persia lal Kura inlal kum khatna chun, Jeremia baua Lalpa thuhril chu a hung tlung theina dingin Lalpa chun Persia lal Kura lungril chu a chawktho ta a, chuongchun, a ram po poa chun thu inhriettirna a siem a, a zieka ziek khawmin a sie bawk a,

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu Lalpa vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

EZRA 6:22

chawl ṭhanglo bei ruoiṭhe khawm chu hlimtakin ni sari sûng an hmang a: Lalpa chun anni chu a sukhlimin, Israel Pathien, Pathien in sin thawa chun an kuthai sukhrât dingin Assuria lal lungril chu anni chungah ân hertir ta nghâl si a.

NEHEMIA 1:11

Aw Lalpa, lunginsiettakin i sie- hlaw ṭawngṭaina le i hming ṭi lâwm zâwnga nei, i siehlawhai ṭawngṭainaa hin i na lo sit ta; chun, vawisûn hin i siehlaw hi mîn hlawtlingtir la, hi mi mithmua hin lunginsiettakin zângaina indawngtir rawh,” ka ti a. Kei chu lal no inhlântu ka ni si a.

NEHEMIA 2:4

Chuongchun, lal chun ka kuomah, “Ieng am a na i hni chu?” a ti a. Chuongchun, vân Pathien kuoma chun ka ṭawngṭai ta a.

NEHEMIA 2:8

chun, lal ramhâk vêngtu Asaph inhmutir dingin invêngna kulbîng kawtkhâr kal ding le, khawpui kul ding dâmin, ka va hluo ding ina hmang ding dâmin thing a mi pêk theina dingin lekha mi pe bawk rawh,” ka ti a. Chun, ka Pathien mi ditsakna ang peiin lal chun a mi pêk ta a.

ESTHER 2:17

Chuongchun, nuhmei danghai po po nêkin lal chun Esther chu a ditzâwng a, nunghâk po pohai nêk chun a mithmua chun lunginsietna le ditsak a hlaw nasa lem a; chuongchun, a lua chun lallukhum ân khumtir a, Vasti aia chun lalnuah a siem ta a.

INPÂKNA HLABU 105:25

A mihai theida dingin an lungril ân lêttir a, A siehlawhai chunga vervêktaka thaw dingin.

INPÂKNA HLABU 106:46

Sala ṭhuoituhai po po chu, Anni a lunginsiettir a.

INPÂKNA HLABU 114:3

Tuipui chun chu chu a hmu a, a tlân hmang a, Jordan vadung chu sukkîrin a um ta a.

INPÂKNA HLABU 114:5

Aw nang tuisuoriet, ieng am i ti a, i tlân hmang a na? Nang Jordan, ieng am i ti a, i kîr nâwk a na?

INPÂKNA HLABU 74:15

Nang chun tuihnâr le tuilien chu în ṭhe huk a, Nang chun vadung lientak takhai chu i sukkang a.

INPÂKNA HLABU 93:4

Tui tamtakhai râwl nêkin, Tuisuoriet fâwn hrâttakhai nêk khawmin, Chungtienga Lalpa chu a hrât a nih.

FESUOKNA 7:3

Nisienlakhawm, Pharao lungril chu sukngar ka ta, Aigupta rama chun ka thilmakhai le ka inchiknahai chu sukpung ka tih.

THUVARHAI 16:1

Lungril siemrêlnahai chu mihriem ta a na, Leia dawnna ruok chu Lalpa kuoma inthawk a nih.

THUVARHAI 16:9

Mihriem lungril chun a lampui chu a riruong hlak a, A kalchawihai ruok chu Lalpa chun a kâwkhmu hlak.

THUVARHAI 20:24

Mihriem fenahai chu Lalpa ta a na, Chuong a ni chun, miin iengtin am mâni lampui chu hre thei a ta?

ISAI 43:19

Ngai ta u, thil thar ka thaw ding a nih; tuta inthawk hin mâwng a tih; chu chu in hriet naw ding am a nih? Thlalêra meu khawm lampui siem ka ta, ram ṭâwla chun vadunghai siem bawk ka tih.

ISAI 44:27

tui inthûktak kuoma, ‘Kang intan rawh, i vadunghai khawm ka sukkang ding a nih,’ titu,

JEREMIA 39:12

“Ṭhuoi la, ama hi ṭhatakin enkawl la, sukpawi naw rawh; amiruokchu, i kuoma a hril ang ang chun thawpêk lem rawh,” a ta.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.

THUPUONGSUO 16:12

Chun, a parukna chun a berbu chu tuipui Euphratesa chun a bunthlâk a; chuongchun, nisa suokna tieng panga lal hung dinghai ta dinga lampui chu inzosa a hung ni theina dingin, a tui chu a kang intan ta a.

THUPUONGSUO 16:4

Chun, a pathumna chun a berbu chu vadungahai le tuikhurahai a bunthlâk a; chuongchun, thisenin ân chang ta a.