THUVARHAI 20:7 - Pathien Lekhabu Inthieng (BSI)

⁷ Mi indik a lungril ṭhaa fe mi chu, Ama hnunga a thlahai chu an hamṭha.

THUVARHAI 20:7 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

JOB LEKHABU (THE BOOK OF JOB) 1:1

Uz rama chun mi pakhat a um a, a hming chu Job a nih; chu mipa chu mi fel le tluong le, Pathien ṭi a suol nghatsan mi a nih;

INPÂKNA HLABU 112:2

A thlahai chu hnuoia hin hrâttakin um an ta, Mi indiktakhai suonhai chu malsâwmin um an tih.

INPÂKNA HLABU 15:2

Indiktaka uma, feltaka thawa, A lungrila thu tak tak hril mi chu;

INPÂKNA HLABU 26:1

Aw Lalpa, ro mi rêlpêk rawh, lungril ṭhatak putin ka um si a, Ringhla lovin Lalpa chu ka ring bawk a.

INPÂKNA HLABU 26:11

Nisienlakhawm, kei chu lungril ṭhatak putin um ka tih, Mîn tlan la, mi lunginsiet rawh.

INPÂKNA HLABU 37:26

Sûnnithlâkin mi a lunginsiet a, ân pûktir hlak, A thlahai khawm an hamṭha hlak.

THUVARHAI 13:22

Mi ṭha chun a tuhai ta ding chenin rohluo ding a mâkpêk hlak a, Mi suol hausakna chu mi fel ta dinga siekhâwl chau a nih.

THUVARHAI 14:2

Mi, felnaa fe chun Lalpa chu a ṭi a, A lampuihaia khêlinhlip ruok chun ama a hmusit hlak.

THUVARHAI 14:26

Lalpa ṭinaa hin ringna nghettak a um a, A thlahai chun inhumhimna hmun nei an tih.

THUVARHAI 19:1

Mi pasie lungril ṭhaa fetu chu, A hmûrhaia khêlinhlipa mi invêt nêk chun a ṭha lem.

ISAI 33:15

Feltaka um a, indiktaka hril hlaktu; nêksâwrnahai hlâwkpuina hrim hrim theida a, thamna la nuom lova, kut thin san a, thisen insuo thu ngai nuom lova na hup a, suolna hrim hrim en nuom lova insîm hlaktu chu;

JEREMIA 32:39

kumkhuoa an mi ṭi theina dingin anni chu lungril pakhat le lampui pakhat chau pêng ka tih; anni le an hnunga an thlahai ṭhatna dingin.

LUKA 1:6

An pahni chun Pathien mithmuah feltakin an um a, Lalpa thupêk le a dân po po chu sawisêlboa zâwm hlak mi an nih.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a ni ie,” a ta.

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.