THUVARHAI 20:30 - Pathien Lekhabu Inthieng (BSI)

³⁰ Hliem khawpa vuokna chun thil ṭha naw a sukfai a, Vuoknahai chun phing sûng sûngril hmunhai chu a sukfai.

THUVARHAI 20:30 ပူးပေါင်းရင်းမြစ်များ

INPÂKNA HLABU 89:32

An bawsietnahai chu hmawl leh hung kan ka ta, An rîtlonahai chu vuokin hung kan ka tih.

THUVARHAI 19:25

Hmusittu chu vaw la, mi mâwl chun var inchûk a tih, Hrietthiemna nei mi chu kâwk la, hrethiem a tih.

THUVARHAI 22:15

Invêtna hi naupang lungrila chun khuopdein a um a, Amiruokchu, sukdikna hmawl chun amaa inthawka hlatakah hnawthmang a tih.

THUVARHAI 27:6

Ruol isukhliemnahai chu ring a um a, Hmêlma fâwpnahai ruok chu ringhla a um.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

ISAI 53:5

Nisienlakhawm, ama chu ei bawsietnahai leiin inhliemin a um a, ei khawhlonahai leiin vuok thidukin a um a; ei thlamuongna dinga thununna chu a chungah a tla a , a vuokna invuolhaia sukdamin ei um tah.

HEBRAIHAI 12:10

Anni chun ni sâwt nawtê ṭha an ti ang peiin an mi thunun ngei luo a, Ama ruok chun ân thiengna chu ei chang ve theina dingin, ei ṭhatna dingin a mi thunun lem a nih.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.