THUVARHAI 20:24 - Pathien Lekhabu Inthieng (BSI)

²⁴ Mihriem fenahai chu Lalpa ta a na, Chuong a ni chun, miin iengtin am mâni lampui chu hre thei a ta?

THUVARHAI 20:24 ပူးပေါင်းရင်းမြစ်များ

INPÂKNA HLABU 25:12

Lalpa ṭi mi chu tu am a na? Ama chu a lampui thlang ding chu lân entir a tih.

INPÂKNA HLABU 25:4

Aw Lalpa, i lampuihai chu mîn hriettir la, I lampui chanchinhai chu mîn chûktir rawh.

INPÂKNA HLABU 37:23

Lalpain mihriem chu a fena dingah a ṭhuoi hlak a, A kalchawi a ilâwm chu a sukdet hlak.

THUVARHAI 14:8

Mi var varna chu a lampui hrietthiem chu a na, Mi invêt invêtna ruok chu khêlthu chu a nih.

THUVARHAI 16:1

Lungril siemrêlnahai chu mihriem ta a na, Leia dawnna ruok chu Lalpa kuoma inthawk a nih.

THUVARHAI 16:9

Mihriem lungril chun a lampui chu a riruong hlak a, A kalchawihai ruok chu Lalpa chun a kâwkhmu hlak.

JEREMIA 10:23

Aw Lalpa, mihriem lampui chu amaa chun a um nawh ti ka hriet a; a kepênhai sukdik dingin mihriema chun infetirtu chu a um nawh.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

THILTHAWHAI 17:28

Ama leiin, ei hring, ei châng, ei um a ni si a; nangni hlaphuokthiem tuhai amani khawmin, ‘Eini khawm a thlahai ei nih,’ tia an hril ang khan.