THUVARHAI 20:1 - Pathien Lekhabu Inthieng (BSI)

¹ Uoin hi nuisantu a na, zu hi mi risie a nih, Tukhawm chutaka suksuoltu chu a var naw a nih.

THUVARHAI 20:1 ပူးပေါင်းရင်းမြစ်များ

2 SAMUEL 11:13

Chun, David chun a ko a, a hmaa chun a fâkin a dâwn a, a sukrui ta dêr a; chun, zântieng chun a in tienga fe lovin a pu siehlawhai laia zâl ding chun a suok a.

2 SAMUEL 13:28

Chun, Absalom chun a siehlawhai chu, “Ngai ta, Amnon chu uoin dâwna a hlim laiin in kuomah, ‘Amnon kha that ro,’ ka ti cheu chun that unla, ṭi naw ro, thu ka pêk ta cheu annâwm; insukhuoi unla, insukpasal ṭha unla,” tiin thu a pêk a.

THUVARHAI 23:20

Hnukinrâwltaka sa fa mihai lai le Zu he mihai laia chun um naw rawh.

THUVARHAI 31:4

Aw Lemuel, uoin dâwn hi lalhai ta ding a ni naw a, lalhai ta ding a ni nawh; Lal naupahai khawm chun, “Zu khâw lai am a um a”? ti ding an ni nawh.

ISAI 28:7

Nisienlakhawm, chuonghai khawm chu uoin leiin an thle an thle a, zu leiin an pêm an pêm a, thiempuhai le zâwlneihai chu zu leiin an thle a, uoin lem zoin an um a, zu leiin an pêm an pêm a; inlârna thuah an thle an thle hlak a, rorêlna thuah an pêm an pêm hlak.

ISAI 5:11

Zu hnawt dinga zîngkâr inhmataka tho a, uoinin a sukrui bûr hmakhat chena zân sâwttak tak chena um hlakhai chu an chung a rik.

ISAI 5:22

Uoin dâwn kawnga mi hrâttak, zu chawkpawl kawnga thahrui nei mihai chu an chung a rik ie,

ISAI 56:12

“Hung ro khai, uoin lâng ka ta, chuongchun, zuin ei inthun sip ding annâwm; zînga chun vawisûn ang hi ni nâwk a ta, ni ropui nasa deu el nîng a tih,” an ti seng a.

HOSEA 4:11

Nawchizawr dâm, uoin dâm, uoin thar dâm chun Hrietthiemna a lâk hmang hlak.

HOSEA 7:5

Ei laltak nia chun mi lienhai chu uoin inruitakin an insukrui a, Ama chun hmusittuhai ruolin a kut a phar a.

LEVI DÂN 10:9

“Nang amanih, i naupasalhai amani khawmin, intuokna puon in sûnga in fe laiin uoin le zu hrim hrim dâwn naw ro, chuong naw chun thîng in tih; hi hi in thlahai chena kumkhaw dân ding nîng a tih.

HABAKKUK 2:5

Anih, chu nawa khawm uoin he chu bawsetu, Mi chapo, a ina um ngailo chu a nih; Ama chun a châkna chu hremhmun angin a suklien a, Ama chu thina ang a na, suktlai ruol a ni nawh. Chi po pohai chu a kuoma chun a kei khâwmin, Hnam po pohai chu a kuomah a lâk khâwm lem a nih.

1 KORINTH 6:10

inruhmanghai amanih, mi duâmhai amanih, zu inruihmanghai amanih, inhalhmanghai amanih, hlêpruhaiin amanih Pathien ram hluo naw ni hai.

GALATI 5:21

thîkthusietna dâm, zu inruina dâm, zu hmun hlimna dâm, chuong anghai chu, chuong kawnga chun kha hmaa, “Chuong ang thil thawtuhai chun Pathien ram hluo naw ni hai,” tia ka hril lâwk cheu ang khan, ka hril nâwk cheu hi.

EPHESI 5:18

Chun, uoin inruiin um naw ro, chutaka chun insûm nawna a um si a; Thlaraua sipin um lem ro.