THUVARHAI 2:8 - Pathien Lekhabu Inthieng (BSI)

⁸ Rorêlna lampuihai chu a vênghim theina ding le, A mi inthienghai lampui chu a vawngṭhatna dingin.

THUVARHAI 2:8 ပူးပေါင်းရင်းမြစ်များ

INPÂKNA HLABU 1:6

Lalpa chun mi felhai lampui chu a hriet si a, Mi rilohai lampui ruok chu bohmang a tih.

INPÂKNA HLABU 145:20

Lalpa chun ama hmangaituhai po po chu a vawng ṭha hlak, Mi rilo ruok chu sukbohmang vawng a tih.

INPÂKNA HLABU 23:3

Ka hringna hi a mi siemtharpêk nâwk hlak a, Ama hming leiin felna lampuiahai a mi ṭhuoi hlak.

INPÂKNA HLABU 37:28

Lalpa chun rorêlna fel a ngaina si a, A mi inthienghai chu a fesan ngai naw a. Kumkhuoa dinga vawngṭhatin an um hlak a, Mi rilo thlahai ruok chu sukbohmangin um an tih.

INPÂKNA HLABU 37:31

A Pathien dân chu a lungrilah a um a, A ke pên hrim hrim chu intawl naw nih.

INPÂKNA HLABU 66:9

Ama chun ei hringna hi a sukhring zing a, Ei kehai hi suktâwl a phal nawh.

INPÂKNA HLABU 97:10

Aw Lalpa hmangaituhai, suol chu theida ro, Ama chun a mi inthienghai hringna chu a vawng ṭha hlak a; Anni chu mi rilohai kuta inthawkin a sanhim hlak.

THUVARHAI 8:20

Felna lampuia chun ka fe a, Rorêlna lampuitakhaia chun.

ISAI 35:9

Sakeibaknei hrim hrim chutaka chun um naw ni a, sa hnukinrâwl hrim hrim chutaka chun hang fe bawk naw nih, chutaka chun hmun ding khawm um naw nih: intlanhai ruok chu chutaka chun fêng an tih;

DÂN PAHNINA 33:3

Anih, a mihai chu a hmangai a, A mi inthienghai po po chu a kutah an um a; I ke bulah an ṭhung a, I thu chu pawm peiin,

1 PETER 1:5

Sandamna, hun nuhnunga inlang dinga inzosa chu hmu dingin, ringna leia Pathien thilthawtheinaa vêng chu in nih.

JUDA 1:24

Chuongchun, in tlûk nâwna dinga vêng thei cheu le, a ropuina hma ngeiah nasataka hlimin inthieng nawna kai nawa sietheitu cheu,

1 SAMUEL 2:9

A mi inthieng ke chu vêng a ta, Mi suolhai ruok chu inthim hnuoiah sukdei ṭhapin um an tih; Hrâtna chun tukhawma an ngam âwm si naw a.