THUVARHAI 2:6 - Pathien Lekhabu Inthieng (BSI)

⁶ Lalpa chun varna a pêk si a; A baua inthawk chun hrietna le hrietthiemna hung suok a tih.

THUVARHAI 2:6 ပူးပေါင်းရင်းမြစ်များ

1 LALHAI 10:24

Pathienin a lungrila varna thu a siepêk chu ngai dingin khawvêla mi po pohai chun Solomon chu an hung pan huoi huoi hlak a.

1 LALHAI 3:12

ngai ta, varna le hrietna lungril ka pêk che a nih; chuongchun, i hmaah nangma ang hrim hrim tukhawm an um naw a, i hnunga khawm nanga ang hrim hrim chu tukhawm hung um ta naw bawk an tih.

1 LALHAI 3:9

Chuongchun, i mihai rorêlpêkna dingin i siehlaw hi hrietna lungril hung pe la, a sie le a ṭha ka thlier theina dingin, i mi hieng zât zozai hi tuin am ro rêlpêk thei a ta le?” a ta.

1 LALHAI 4:29

Chun, Pathienin Solomon chu varna le hrietna nasatak le, lungril lienna tuipui kama phaiphin ang el a nasa a pêk a.

1 CHANCHIN SUINA 22:12

Lalpa chun hrietthiem theina le thlierthiem theina pe sienla che; Israel chunga thuneina pe raw se che; chuongchun, Lalpa i Pathien dân chu i kawl zing theina dingin,

EZRA 7:25

Chun, nang Ezra hin, i kawl Pathienin varna a pêk che ang peiin vadung râltienga mihai chunga rorêl dingin i Pathien dânhai hre mihai ang chu ram awptu le rorêltuhai dingin thlang i tih, a la hre nawhai chu inchuktir unla.

NEHEMIA 7:5

Chun, ka Pathien chun ka lungrilah, mi ṭhahai, rorêltuhai, mipuihai ko khâwm vawnga an thlatuhai dungzuia tiem dingin a mîn hriettir a. Chun, a phut taka hang fehai thlatuhai hming ziekna bu chu ka hmu suok a; chutaka chun hieng anga ziek hi ka hmu a:

JOB LEKHABU (THE BOOK OF JOB) 12:13

Amaa chun varna le hrâtna a um a, Ama chun hrietthiemna le remhrietna a nei.

JOB LEKHABU (THE BOOK OF JOB) 12:16

Amaa chun hrâtna le varna famkim chu a um a, Hlêma um le hlêmtu khawm chu ama ta bawk a nih.

JOB LEKHABU (THE BOOK OF JOB) 22:22

A baua inthawka inchûktirna chu pawm la, A thuhai chu i lungrilah sie khâwl rawh.

JOB LEKHABU (THE BOOK OF JOB) 32:8

Amiruokchu, mihriema chun thlarau a um a, Iengkimthawthei chun a thuokin anni chu hrietthiemna a pêk lem a nih.

INPÂKNA HLABU 119:104

I thununna thuhai leiin hrietthiemna ka nei hlak, Chuleiin, um dân indik naw tinrêng hi ka theida a nih.

INPÂKNA HLABU 119:34

Hrietthiemna mi pe la, chuongchun, i dân chu ka vawng ṭha ding annâwm, Anih, ka lungril po po hin zâwm ka tih.

INPÂKNA HLABU 119:98

I thupêkhai chun a mi dotuhai nêka var lemin a mi siem a, Kumkhawtluonga ka kuoma a um zing hlak leiin.

INPÂKNA HLABU 19:7

Lalpa dân chu a ṭha famkim a, hringna a siemṭha hlak, Lalpa thu inhriettir chu ring a um a, mi mâwl a sukvar hlak.

INPÂKNA HLABU 19:8

Lalpa thununna thu chu ân dik a, lungril a suklâwm hlak, Lalpa thupêk chu ân thieng a, mithai a sukvar hlak.

INPÂKNA HLABU 51:6

Ngai ta, sûngril tiengahai hin takna i dit hlak a, Chuongchun, ân lang naw tienga hin varna mîn hriettir i tih.

INPÂKNA HLABU 94:10

Mihriem varna inchûktirtu le Hnam tin thununtu chun a kâwk naw ding am a nih?

FESUOKNA 31:3

ama chu Pathien Thlarauin ka suksip ta a, varna le hrietthiemna le kutthiem sin tinrêng thawtheina leh,

THUVARHAI 6:23

Thupêk chu khâwnvar a na, inchûktirna chu var a ni si a; Inchûktirna thununnahai chu hringna lampui a nih;

THUHRILTU 2:26

Pathien chun ama suklungawitu kuoma chun varna le hrietthiem theina le hlimna a pêk a, mi suol kuoma ruok chun Pathien suklungawitu kuoma pêk dinga lâkkhâwmna le siekhâwlna sin a pêk a. Hi khawm hi teplo el a na, lungril rimsikna el a nih.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

ISAI 8:20

Dân thu le Inhriettirna Thu chu râwn lem ding a nih,” tiin. Chuong ang thu ang peia an hril naw chun an ta dingin khuo hrim hrim var dêr naw nih.

DANIEL 1:17

Chun, hieng tleirâwlhai pali hi Pathien chun varna le thiemna po poa bengvarna le hrietna a pêk a; chun, Daniel chun thilhmulâwkhai le manghai chung po poa chun hrietthiemna a nei a.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 2:23

Aw nang kan thlatuhai Pathien, varna le hrâtna mi petu, Kân pâk che a, i kuomah lâwmthu ka hung hril hi, Kan hung ngên chu i mîn hriettir ta a, Lal thu chungchâng hi kan kuomah i hung inhriettir ta si a,” tiin.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

JOHAN 6:45

Zâwlneihai Lekhabuah, ‘Pathien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.