THUVARHAI 2:5 - Pathien Lekhabu Inthieng (BSI)

⁵ Lalpa ṭitna chu hung hre tâng i ta, Pathien hrietna chu hmu suok tâng i tih.

THUVARHAI 2:5 ပူးပေါင်းရင်းမြစ်များ

JOB LEKHABU (THE BOOK OF JOB) 28:28

Chun, mihriem kuoma chun, ‘Ngai ta, Lalpa ṭi chu, varna a nih; Suola inthawka fe hmang chu hrietthiemna a ni bawk a,’ a ta,” tiin

THUVARHAI 1:7

Lalpa ṭina chu hrietna bul a nih: Amiruokchu, invêt chun varna le inchûktirna chu an hmusit a.

THUVARHAI 28:7

Tukhawm dân vawngtu chu naupa var a nih, Mi hnukinrâwl inruolpuitu ruok chun a pa a sukzak.

THUVARHAI 8:17

A mi hmangaituhai chu ka hmangai ve a, Chun, nguntaka a mi zawngtuhai chun mi hmu suok bawk an tih.

THUVARHAI 9:10

Lalpa ṭi chu varna bul a nih, Mi Inthieng hrietna chu hrietthiemna bul a ni bawk.

ISAI 33:6

I dam sûng chun um nghetna um a ta, sandamna dâm, varna dâm, hrietna dâm um ṭeu a tih; Lalpa ṭîna chu a ro a nih.

JEREMIA 24:7

An kuoma chun, Lalpa ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni si a.

JEREMIA 31:34

chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 9:24

a suong taphawt chun hi hi suong lem raw se, kei hi Lalpa lunginsietna neia, rorêla, hnuoi chunga hin felna thil thaw hlak chu ka nih ti hre a hrietthiemna chu suong lem raw se; hieng thilhaia hin ka lâwm si a, Lalpa chun a tih.

HOSEA 6:3

Lalpa hrietna chu hnawt pei ei tiu khai, hrieng ei tiu; Zîng khawvar anga inkhêl ruol lovin ân thawk suok ngei hlak; Ei kuomah ruo angin, ruo nuhnung, hnuoi sukhûtu ang elin hung tlung a tih,” tiin.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

LUKA 10:22

Ka Pain iengkim a mîn kawltir tah, Naupa chu tû am a na, Pa naw chun tukhawmin an hriet nawh; Pa khawm chu tû am a ni Naupa le an kuomah Naupain a phuong nuomnahai chau naw chun tukhawmin an hriet nawh,” a ta.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.