THUVARHAI 19:20 - Pathien Lekhabu Inthieng (BSI)

²⁰ Thurâwn chu ngai la, inchûktirna chu pawm rawh, I hihnung tâwp tienga i hung var theina dingin.

THUVARHAI 19:20 ပူးပေါင်းရင်းမြစ်များ

INPÂKNA HLABU 37:37

Mi demkailo inchik la, mi indiktak chu en rawh, Chuong ang mi tâwpna ding chu lungmuongna a ni ding a ni si a.

INPÂKNA HLABU 90:12

Kan dam sûng nihai tiem dân ding mîn chûktir la, Varna lungril kan nei pha hielna dingin.

INPÂKNA HLABU 90:14

Aw, zîngkâr chun i ngilneinain mi suktlai la, Kan dam sûng po po hin kan hlima kan lâwm theina dingin.

THUVARHAI 1:2

Varna le inchûktirna hre dingin; Hrietthiemna thuhai hre dingin

THUVARHAI 1:3

Thilthaw vara inchûktirna dawng dingin, Felnaa le rorêlnaa le thlierbîk nei lonaa leh;

THUVARHAI 1:8

Ka naupa, i pa inchûktirna hi ngai la, I nu inchûktirna chu nghatsan naw rawh;

THUVARHAI 12:15

Ama mithaia chun mi invêt lampui chu ân dik a, Mi var ruok chun thurâwn chu a ngai hlak.

THUVARHAI 13:10

Chaponaa chun inkhingna a suok a, Thurâwn ṭhataka ruok chun varna a um.

THUVARHAI 15:32

Inchûktirna sêlkaltu chun ama lungril ngei kha a hmusit a nih; Amiruokchu, kâwkna ngaitu chun hrietthiemna a nei hlak.

THUVARHAI 19:19

Mi lunginsen êm êm mi chun hremna chu tuor a ta, Ama chu i sansuok chun, i sansuok nâwk pei a ṭûl ding a ni si a.

THUVARHAI 4:1

Ka naupasalhai, pa inchûktirna hi lo ngai unla, Hrietthiemna hre dingin ngaisak ro.

THUVARHAI 8:14

Thurâwnna chu ka ta a na, hrietna hrisêl leh, Hrethiemin ka um a, thilthawtheina ka nei a nih.

THUVARHAI 8:33

Inchûktirna chu ngai unla, var unla, Dit naw hrim hrim naw ro.

JEREMIA 6:8

Aw Jerusalem, vaulâwkna hi lo pawisa rawh, chuong naw chun, nghatsan ka ti che a, râusan le ram hluo loah siem râwi ka ti che.

ZEPHANIA 3:7

Ama chungthua ka lo ruot ta ang po poin, a chêngna chu sâtthlâk a ni nawna dingin. “Matheilovin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik naw a.

NAMBAR 23:10

Jakobrawi pilvut zât hiel chu tuin am tiem thei a ta? Israelhai hmun lia ṭhea hmun khat chu tuin am tiem thei a ta? Mi fel thi angin thi ve thei lang, Ka tâwpna chu a tâwpna ang ni sien,” a ta.

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.

DÂN PAHNINA 8:16

in pi le puhai hriet ngailo manna chun a châwm cheu a, tuta hnunga in hung ṭhat theina dingin a sukhnuoi cheu a, a fie theina ding cheuin.