THUVARHAI 19:1 - Pathien Lekhabu Inthieng (BSI)

¹ Mi pasie lungril ṭhaa fetu chu, A hmûrhaia khêlinhlipa mi invêt nêk chun a ṭha lem.

THUVARHAI 19:1 ပူးပေါင်းရင်းမြစ်များ

INPÂKNA HLABU 26:11

Nisienlakhawm, kei chu lungril ṭhatak putin um ka tih, Mîn tlan la, mi lunginsiet rawh.

INPÂKNA HLABU 37:26

Sûnnithlâkin mi a lunginsiet a, ân pûktir hlak, A thlahai khawm an hamṭha hlak.

THUVARHAI 12:26

Mi fel chu a tuolbâwm ta dingin ṭhuoitu a na, Mi khawhlo lampui ruok chun ân suksuoltir hlak.

THUVARHAI 14:2

Mi, felnaa fe chun Lalpa chu a ṭi a, A lampuihaia khêlinhlip ruok chun ama a hmusit hlak.

THUVARHAI 15:16

Hausakna nasatak, buoipuiumtak nêkin, Lalpa ṭina le tlâwmte nei a ṭha lem.

THUVARHAI 16:8

Indiklona leia hlâwkna nasatakhai nêkin, Felna leia tlâwmte chu a ṭha lem.

THUVARHAI 19:22

Mihriem nuom zâwng chu a lunginsietna inkhina a na, Mi pasie chu mi khêlhlip nêkin a ṭha lem.

THUVARHAI 20:7

Mi indik a lungril ṭhaa fe mi chu, Ama hnunga a thlahai chu an hamṭha.

THUVARHAI 28:6

Mi pasie lungril ṭha put chu Hausa khawhlotaka um nêk chun a ṭha lem.

THUVARHAI 4:24

Ṭawng ki nei hrim chîng naw la, Khêl hril chu bân dai rawh.

ISAI 59:3

In kuthai chu thisen sukpawrchein a um a, in kutpârhai hlak khawhlonaa sukpawrchein a um si a; in hmûrhai chun khêl a hril a, in lei chu rîtlona thu hrilin a chier num num hlak.

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

1 SAMUEL 25:17

Chuleiin, ieng am a na i thaw ding, nguntakin ngaituo ta khai, kan pu sûngkuo le ama chunga hin thil ṭha naw thaw tumna a um a nih; ama hlak hi Belial naupa a ni ringawt el a, tu ibiek thei khawm a ni si naw a,” a ta.

1 SAMUEL 25:25

Ka hni che, ka lalpa hin Belial mi Nabal chu ienga khawm ngai naw raw khai, a hming ang chie el hi a ni hrim a nih, Nabal an ti namân, ân vêt a ni hi, kei i siehlawnu hin ka pu tlangvâl hungtirhai kha chu ka lo hmu naw a nih.