THUVARHAI 18:3 - Pathien Lekhabu Inthieng (BSI)

³ Mi khawhlo chu a hung pha chun hmusitna khawm a hung ve a, Tlâng ihrilsiet nina le chun kâwkna a hung bawk.

THUVARHAI 18:3 ပူးပေါင်းရင်းမြစ်များ

NEHEMIA 4:4

Aw kan Pathien, en ta, hmusitin kan um hi, an mi hrilsietna chu anni lu chunga ngei inlêttir la, anni khawm khâwlai rama manih muolphotakin intângtir zing rawh;

INPÂKNA HLABU 69:20

Mi mi hrilsietna hin lungriemin a mi thlâk a, nasatakin ka lungngai bawk a, Chuongchun, a mi lunginsiettu ding ka zawng a; nisienlakhawm, tukhawm an um si nawh; A mi thlamuontu dinghai ka zawng a; nisienlakhawm, tukhawm ka hmu si nawh.

INPÂKNA HLABU 69:9

I ina ka ṭhahnemngainain a mi fâk zo a, Nangma hrilsetuhai hrilsietnahai chu ka chungah a tla zo tah.

THUVARHAI 11:2

Chapona chu a hung pha chun, inzaknain a hung zui; Varna ruok chu inngaitlâwmhai kuomah a um.

THUVARHAI 13:5

Mi fel chun khêl hril a theida a, Mi khawhlo ruok chun inzakna a siemin kâwkna a lâk lût hlak.

THUVARHAI 18:2

Invêt chun hrietthiemnaa chun lâwmna a nei naw a, A lungrila ama le ama ân hmu suok theina chaua naw khan chu.

THUVARHAI 18:4

Mihriem baua thuhai chu tui inthûkhai ang a na, Varna tuihnâr chu vadungtê luonglai ang a nih.

THUVARHAI 22:10

Hmusittu chu hnawt suok la, inhalna khawm chu fe suok vêng a tih. Anih, insuolna le inhrilsietna khawm chu bo a tih.

THUVARHAI 29:16

Mi khawhlohai chu an hlâwk pha chun, bawsietna khawm a pung hlak, Mi fel ruok chun an tlûkna chu hmûng an tih.

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um si a.

1 PETER 4:4

Chuonga chun anni inhawitir taluo anga in um ve ta naw hi mak an ta, an hrilsiet hlak cheu a nih.

1 SAMUEL 20:30

Chuongchun, Jonathan chungah Saula lung chu a sen ta thut el a, “Nang nuhmei lepchie le kâwmaw naupa, Jesai naupa chu i muolphona dingin le i nu saruokna sukmuolphona dingin i thlang ti ka hriet naw am a nih?