THUVARHAI 18:22 - Pathien Lekhabu Inthieng (BSI)

²² Tukhawm nuhmei hmutu chun thil ṭha a hmu a nih, Lalpa ditsakna khawm a chang a nih.

THUVARHAI 18:22 ပူးပေါင်းရင်းမြစ်များ

INṬANNA 2:18

Chun, Lalpa Pathien chun, “Mihriem ama khât baka a um hi a ṭha nawh ie; ama ṭhangpuitu ding, ân kawppui ding âwm mî siempêk ka tih ie,” a ta.

INṬANNA 24:67

Isak chun Rebeka chu a nu Sara puon ina chun a ṭhuoi lût a; chun, Rebeka chu a nei a, a nuhmei a hung ni ta a; chun, ama chu a hmangai hle a, chuongchun, Isak chu a nu thi thua khawm chun a hung thlamuong thei ta a.

INṬANNA 29:28

Jakob chun chuong ang chun a thaw a, chu nu chawlkâr chu a tlingtla a, chuongchun, a naunu Rakil chu a nuhmei dingin a pêk ta a.

THUVARHAI 12:4

Nuhmei ringum chu a pasal ta dingin lallukhum a na, Thil inzapuium thawtu ruok chu a ruhai ta dingin inngêna ang a nih.

THUVARHAI 19:14

In le hausaknahai hi thlatuhaia inthawka rochan an na, Nuhmei var ruok hi chu Lalpaa inthawk a nih.

THUVARHAI 3:4

Chuongchun, mihriem le Pathien mithmuah, Hrietthiemna ṭha le ditsakna hmûng i tih.

THUVARHAI 8:35

Tukhawm a mi hmu suoktu chun hringna chu a hmu suok a, Lalpa ditsakna chu chang a tih.

THUHRILTU 9:9

Nisa hnuoia a pêk che i teplo dam sûng nihai po poah nuhmei i hmangai le chun hlimtakin um rawh; chu chu nisa hnuoia i sininrimnaa le i dam sûnga i chan a nih.

HOSEA 12:12

Jakob chu Aram rama chun a tlân hmang a, Israel chun nuhmei man a tuok ta a; Nuhmei man ding chun berâm a vêng a nih.

1 KORINTH 7:2

Nisienlakhawm, inditnahai a um hlak leiin pasalin nuhmei bîk nei seng hai sienla, nuhmei khawmin pasal bîk nei seng raw hai se.

RUTH 4:10

Chu chau chu ni lovin, mithi chu a hming a um zingna dinga rohluotu siempêk dingin le, mithi chu a unauhaia le a umna kul kawtkhâra a hming a bo nawna dingin, Moab nuhmei Ruth, Mahlon nuhmei chu ka nuhmei dingin kân châwk a, vawisûn hin chu hrepuituhai chu nangni hi in nih,” a ti a.