THUVARHAI 18:16 - Pathien Lekhabu Inthieng (BSI)

¹⁶ Mihriem thilthlâwnpêk chun ama ta dingin hmun a siempêk a, Ama chu mi ropuihai hmaah a hung ṭhuoi hlak.

THUVARHAI 18:16 ပူးပေါင်းရင်းမြစ်များ

INṬANNA 32:20

‘Chun, ngai ta, i siehlaw Jakob chu kan hnunga sawn a um,’ ti bawk unla,” tiin thu a pêk seng a. “Lâwmman ka hmaa fe hin a lung sukdam ka ta, chu hnunga chun a hmêl hmûng ka tih; chuongchun, mi lo lâwm el a tih,” a ti a nih.

INṬANNA 33:10

Jakob chun, “Ni lo e, i mi lunginsiet thei chun lunginsiettakin ka lâwmman hi mi pawmpêk rawh: Pathien hmêl hmu angin i hmêl ka hmu a, ka chungah i lâwm si a.

INṬANNA 43:11

Chun, an pa Israel chun an kuomah, “Chuong ang a ni si chun hieng ang hin thaw ro, in bâwmhaia khan hi rama thil ṭha ṭhenkhat thinghnai damdawi, khuoizu, riminhnik, murra, theihâwngngar le almond thei dâm tlâwmte sengin ama ta ding chun lâwmman dingin chawi thla ro.

2 LALHAI 5:5

Chun, Suria ram lal chun, “Va fe luo ta khai, Israel lal kuoma chun lekha thawn ka tih,” a ta. Chun, tangka talent sâwm le rângkachak tlang sâng ruk le silfên tuok sâwm le a chawi a, a fe ta a.

THUVARHAI 17:8

Thamna hi a neitu ta ding chun mithaia lung hlutak ang a na, Ân her vêlna taphawta chun a hlawtling hlak.

THUVARHAI 18:17

Ama chungthu hril hmasatu chu indik âwmin ân lang a, Nisienlakhawm, a tuolbâwm chu a hung a, a hung phawr lang hlak.

THUVARHAI 19:6

Mi tamtakin mi tiktlai ditsakna an ngên a, Mi tin chu thilthlâwnpêk petu ta dinga ruol a nih.

THUVARHAI 21:14

A rûka thilthlâwnpêk hin lunginsenna a sukre a, Ângsûnga thilpêk hin lunginsenna nasatak a sukre.

1 SAMUEL 16:20

Chun, Jesai chun sabengtung, bei le uoin peng khat phur le, kêlte a lâk a, a naupa David chu Saula pêk dingin ân chawitir a.

1 SAMUEL 25:27

Chun, hi ka pu ta dinga i siehlawin lâwmman ka hung chawi hi ka pu hung zuitu tlangvâlhai hi pêk ni raw se.