THUVARHAI 17:3 - Pathien Lekhabu Inthieng (BSI)

³ Rawtuina bêl chu tangkaruo ta ding a na, pûm mei chu rângkachak ta ding a nih, Lalpa ruok chun lungril a fie hlak.

THUVARHAI 17:3 ပူးပေါင်းရင်းမြစ်များ

1 CHANCHIN SUINA 29:17

Ka Pathien, nang chun lungril chu i fie hlak a, felnaa chun lâwmna i nei ti khawm ka hriet a. Keia ngai chun, keia lungril tluongtakin hieng thilhai po po hi ka lo inhlân ta a; tuhin, i mihai hitaka umhai hin phaltaka i kuoma inhlân dingin anni chu hlimtakin ka hmu a nih.

JOB LEKHABU (THE BOOK OF JOB) 23:10

Amiruokchu, ama chun lampui ka hraw chu a hriet a, Amain a mi fie pha chun, rângkachak angin hung suok ka tih.

JOB LEKHABU (THE BOOK OF JOB) 28:1

“Tangkaruo ta ding chun chosuokna hmun chu a um ngei a nih, Rângkachak ta dinga sukthiengna hmun leh.

INPÂKNA HLABU 139:23

Aw Pathien, nguntakin mi en suok la, ka lungril hi hre rawh, Mi fie la, ka ngaituonahai hi hre rawh.

INPÂKNA HLABU 26:2

Aw Lalpa, mi enfiein mi fie la, Ka lungril le ka lungvar hi sukthieng la,

INPÂKNA HLABU 66:10

Aw Pathien, nangin i mi fie a, Tangkaruo fiea a um angin, keini i mi fie a.

THUVARHAI 15:11

Seol le Abaddon hman Lalpa hmaa chun an um a, Mihriem nauhai lungrilhai chu a va um nasa âwm deh e!

THUVARHAI 16:2

Mihriem lampuihai po po chu ama mithmuahai chun ân thieng a, Lalpa ruok chun lungrilhai chu ân khi hlak.

THUVARHAI 17:2

Siehlaw vartaka thaw hlaktu chun naupa, inzakna intlun hlaktu, chunga chun rorêl a tih. Unauhai laiah rochan nei bawk a tih.

THUVARHAI 21:2

Mihriem lampui tin el chu ama mithmua chun ân dik a, Amiruokchu, Lalpa chun lungril chu ân khi hlak a nih.

THUVARHAI 27:21

Rawtuina bêl chu tangkaruo ta ding a na, pûm mei chu rângkachak ta ding, Chun, mihriem chu a înpâk nuom zâwngah fie a nih.

ISAI 48:10

Ngai ta u, ka sukthieng cheu a na, nisienlakhawm, tangka sukthieng ang chun a ni nawh; rinumna raw tuina meia chun ka fie cheu a nih.

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

EZEKIEL 22:18

“Mihriem naupa, Israel sûngkuo hi ka ta dingin êksie an ni tah; pûm meia chun an rêng chun darsen dâm, rângva dâm, thîr dâm, suon dâm an na; tangkaraw êksie chu an nih.

DANIEL 11:35

Chun, chuong a varhai chu hun tâwpa chun anni chu sukvar ding le, sukfai ding le, sukṭha dingin tlûng an tih; hun ruota ding chu a la ni leiin.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

DÂN PAHNINA 8:16

in pi le puhai hriet ngailo manna chun a châwm cheu a, tuta hnunga in hung ṭhat theina dingin a sukhnuoi cheu a, a fie theina ding cheuin.

DÂN PAHNINA 8:2

Chun, a thupêkhai chu in zâwm ding le ding naw, in lungril hrietna dinga fiena ding le inngaitlâwmtir ding cheua thlalêra kum sâwmli a ṭhuoina cheu lampuihai po po kha hre zing ro.

1 PETER 1:7

in ringna fiena, rângkachak meia fie hnung khawma bohmang hlak nêka hlu lem chu, Isu Krista inlâr pha chun inpâkna le chawimawina le ropuina ding a hung ni theina dingin.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.