THUVARHAI 17:23 - Pathien Lekhabu Inthieng (BSI)

²³ Mi khawhlo chun ângsûnga inthawkin thilthlâwnpêk chu a lâk a, Rorêlna lampuihai chu a sukkâwi hlak.

THUVARHAI 17:23 ပူးပေါင်းရင်းမြစ်များ

FESUOKNA 23:8

Chun, thamna i lâk ding a ni nawh, thamna chun hmutheina neihai khawm an mit a sukdel a, mi fel thuhai khawm a keikâwi hlak si a.

THUVARHAI 17:8

Thamna hi a neitu ta ding chun mithaia lung hlutak ang a na, Ân her vêlna taphawta chun a hlawtling hlak.

THUVARHAI 18:16

Mihriem thilthlâwnpêk chun ama ta dingin hmun a siempêk a, Ama chu mi ropuihai hmaah a hung ṭhuoi hlak.

THUVARHAI 21:14

A rûka thilthlâwnpêk hin lunginsenna a sukre a, Ângsûnga thilpêk hin lunginsenna nasatak a sukre.

THUHRILTU 7:7

Matheilovin, nêksâwrna chun mi var chu a sukvêt a, Thamna chun lungril a suksiet.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai naw a, hmeithai thu hlak an kuom a tlung ngai nawh.

ISAI 5:23

thamna fâk leia misuol thiem inchangtir hlaka, mi fel felna lâkpêk hlaktuhai chu!

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp ta a; kei i mi lo theinghil tah a nih, Lalpa Pathien chun a tih.

EZEKIEL 22:27

A sûnga a lalhai chu satene an sa fâk ding innghir khumhai ang chu an na; thisen insuoa, mi hring sukbohmanga hlâwkna indik lo an hmuna dingin.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MIKA 3:9

Nangni Jakobhai sûngkaw hotuhai le Israel sûngkaw hotuhai le Israel sûngkaw rorêltu, rorêlna tirdaka, indikna tinrêng suklinglettuhai, hi hi lo ngai ro, ka ngên cheu hi.

MIKA 7:3

An kuthai chu thil ṭha naw chungah taimataka thaw dingin an innghat a; lal chun thamna a ngên a, rorêltu chun lâwmman a ngiet a; milien chun a lungril thil suksuolna a hril suok a; chuong ang chun an inthuruol tâwl a nih.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.

1 SAMUEL 12:3

Hitaka hin ka um a, Lalpa hmaa le a hrieknâl hmaa hin mi sêl ro le? Tu bâwngchal am ka lâkpêk hlak a? Tu sabengtung am ka lâkpêk hlak a? Tu am ka hlêm ta hlak a? Tu am ka suknawmna hlak a? Ka mit sukdel dingin tu kuoma inthawkin am thamna ka lâk hlak a? Thung nâwk vawng ka ti cheu,” a ta.

1 SAMUEL 8:3

Nisienlakhawm, a nauhai chun a umdân chu an lâk ve naw a, sum le pai tieng an hnawt a, thamnahai an lâk a, indik nawtakin ro an rêl a.