THUVARHAI 17:17 - Pathien Lekhabu Inthieng (BSI)

¹⁷ Ṭhien chun ieng lai khawmin a hmangai a, Unau chu lunginzîng ni dinga pieng a nih.

THUVARHAI 17:17 ပူးပေါင်းရင်းမြစ်များ

2 SAMUEL 1:26

Ka unaupa Jonathan, i chungthua hin ka lunginzîng a nih; Ka chungah i ṭha êm êm hlak a, I mi hmangaina chu a mak a, Nuhmei hmangaina chu a khûm dai a nih.

2 SAMUEL 15:21

Chun, Ittai chun lal chu a dawn a, “Lalpa hringna le lal, ka pu hringna sâlin ka hril a nih, lal ka pu hi i umna taphawta chun thi le thi nîng a ta, dam le dam ning a ta, i siehlaw hi um ve pei a tih,” a ta.

ESTHER 4:14

Hi hi huna i to ṭawk ṭawk a, Judahai ta dinga himna le sansuokna hmun danga inthawkin a hung suok khawmin, nang le i pa sûngkuo chu bohmang tho ei tih; hieng ang lai huna ding hin a ni el thei i sawnnaw, lal nina i chang hi,” tiin.

THUVARHAI 16:28

Mi dukindaklo chun inhalna a thedar a , Mi lâwtthiem chun ṭhien bulhai a sukṭhe.

THUVARHAI 18:24

Ruolhai tamtak siemtu chun ama sietna ding el a thaw a nih, Amiruokchu, ruol unau nêka hnai lema kawp tlat chu a um a nih.

THUVARHAI 19:13

Naupa invêt chu a pa lunginrimna a na, Nuhmei lungawinawna chu ruo sûr zing ang a nih.

THUVARHAI 19:7

Mi pasie chu a unauhai po poin an theida a, A ruolhai lem chun ieng ang khieua hla am an fe san ding chu! Thuhaiin anni a hnawt pei a; nisienlakhawm, an fe hmang tah.

HEBRAIHAI 2:11

A sukthiengtu le a isukthienghai chu an rêngin Mi pakhata suok an ni si a; chuleiin, ama chun anni chu “Unauhai,” ti ân zak naw a:

RUTH 1:16

Nisienlakhawm, Ruth chun, “Nang kîrsan ding che le zui lo ding chein mîn fui naw rawh; i fena phawtah fêng ka ta, i riekna phawtah riek ka ta, i chihai chu ka chihai nîng an ta, i Pathien chu ka Pathien nîng a ta;

1 SAMUEL 18:3

Chuongchun, Jonathan le David chun thu an thlung a, ama hringna ang chiea a hmangai leiin.

1 SAMUEL 19:2

Nisienlakhawm, Saula naupa Jonathan chun David chu a ngaina hle el a. Chuongchun, Jonathan chun David chu, “Ka pa Saula chun that a tum che a, chuleiin, zîngah zîngkâr chun fîmkhur la, hmun inthupah inbi zing raw khai;

1 SAMUEL 19:3

chun, fe suok ka ta, i umna phûlah ka pa kâwlah va ngîr ka ta, i chungchâng thuah ka pa bieng ka ta, ieng amanih ka hriet chun hril ka ti che,” a ta.

1 SAMUEL 20:17

Chun, Jonathan chun ama a hmangaina sâlin David kuoma chun ṭawng ân khâm nâwk a, ama hringna a hmangai ang chiein a hmangai si a.

1 SAMUEL 23:16

Chun, Saula naupa Jonathan chu a tho a, Horeshah David kuoma chun a fe a. Pathienah a kut chu a sukhrâtpêk a.