THUVARHAI 16:7 - Pathien Lekhabu Inthieng (BSI)

⁷ Mi a um dânin Lalpa a suklawm chun, A hmêlmahai ngei khawm ama le inrem dingin a siem.

THUVARHAI 16:7 ပူးပေါင်းရင်းမြစ်များ

INṬANNA 27:41

Chun, a pain mal a sâwmna lei chun Esau chun Jakob chu a theida ta a. Esau chun a lungrilin, “Ka pa sûn ni ding chu a hnai ta a, chu pha chun ka sang Jakob chu that el ka tih,” a ti a.

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i buon a, i hne ta si a,” a ti a.

INṬANNA 33:4

Chun, Esau chu ama lâwm dingin a tlân a, a kuo a, a ir a suktuo a, a fâwp a; chun, an ṭap ve ve ta a.

2 CHANCHIN SUINA 17:10

Chun, Judai ram vêla ramhaia lalram po poahai chun Lalpa ṭina chu a um ta a; chuongchun, Jehosaphat chu an do ngam naw a.

2 CHANCHIN SUINA 20:30

Chuongchun, Jehosaphat ram huop sûng chu a re ṭawk ṭawk a; a Pathien chun a vêl po poa chun râlmuongna a pêk si a.

EZRA 8:36

Chun, lal thupêkhai chu vadung râla lal ram awptuhai le rorêltuhai kuoma chun an pêk suok ta a; chun, Pathien in le mipuihai chu ṭhangpuina an pêk ta a.

INPÂKNA HLABU 69:31

Chuong ang chun, bâwngchal amanih, ki le tin nei bâwngchal nêk chun, Lalpa suklâwm lem a tih.

FESUOKNA 3:21

Chun, hi Israel mihai hi Aigupta mihai mithmuah ditsakna inhmutir ka ta; chuongchun, in fe pha chun, ruok ngawtin fe naw tawp in tih:

THUVARHAI 16:8

Indiklona leia hlâwkna nasatakhai nêkin, Felna leia tlâwmte chu a ṭha lem.

THUVARHAI 3:17

A lampuihai chu inhawitirna lampui an na, A lampuihai po po chu thlamuongna a nih.

JEREMIA 15:11

Lalpa chun, “Titakzetin, thil ṭhaa dingin sukdet ka ti che a; titakzetin, tuor lai huna le thil ṭha naw hung tlung huna chun i hmêlmahai chun i kuoma hnina siem dingin inumtir ka tih,” a tih.

JEREMIA 39:12

“Ṭhuoi la, ama hi ṭhatakin enkawl la, sukpawi naw rawh; amiruokchu, i kuoma a hril ang ang chun thawpêk lem rawh,” a ta.

JEREMIA 42:12

Chun, zângaina phalpêk ka ti cheu a, in chungah zângaina a neia, in ram ngeiah ân kîrtir nâwkna ding cheuin.

DANIEL 1:9

Chun, Pathien chun Daniel chu mitillâkhai hotu mithmua lunginsietna le ditsakna hlaw thei dingin a siem a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.

KOLOSSA 1:10

Chuongchun, sinthaw tinrênga hung ra a, Pathien hrietna kawnga hung inṭhang deu deu a, kawng tinrênga ama suklungawi dinga Lalpa zui tlâka in um theina ding le,

KOLOSSA 3:20

Naupanghai, iengkimah in nu le pahai thu zâwm ro; chu chu Lalpaa chun lâwm a um si a.

HEBRAIHAI 13:21

a mithmua a lâwm zâwng ang taphawt Isu Krista zârah keinia thâwin, a dit zâwng thaw dingin thil ṭha tinrêng kawngah sukfamkim raw se cheu; Isu Krista kuoma chun ropuina chatuonin um raw se. Amen.

1 PETER 3:13

Thil ṭha tienga ṭhahnem in ngai chun in pawi tâwk ding tu am um an ta?

1 JOHAN 3:22

chuongchun, a thupêkhai ei zâwm a, a mithmuah thil lâwmum ei thaw hlak leiin, ei hni taphawt a kuoma inthawkin ei hmu pei hlak a nih.