THUVARHAI 16:21 - Pathien Lekhabu Inthieng (BSI)

²¹ Lungrila var chu mi var ti nîng a ta, Hmûrhai thlumna chun thiemna chu a sukpung.

THUVARHAI 16:21 ပူးပေါင်းရင်းမြစ်များ

1 LALHAI 3:12

ngai ta, varna le hrietna lungril ka pêk che a nih; chuongchun, i hmaah nangma ang hrim hrim tukhawm an um naw a, i hnunga khawm nanga ang hrim hrim chu tukhawm hung um ta naw bawk an tih.

INPÂKNA HLABU 45:2

Mihriem nauhai nêk hin i hmêl a ṭha lem a, Lunginsietna hi i hmûra chun buok a nih; Chuleiin, Pathienin kumkhuoa dingin mal a sâwm che a nih.

THUVARHAI 10:13

Hrietthiemna neitu hmûrhaia chun varna hmu a na, Hmawl ruok chu mi hrietthiemna boa um ruongzâng ta ding a nih.

THUVARHAI 10:23

Khawhlona thaw hi invêt ta ding chun ruolsiekna ang a na, Chuong ang bawk chun, hrietthiemna nei mi ta dingin varna chu a nih.

THUVARHAI 10:8

Lungrila var chun thupêkhai pawm a ta, Hmûr khêlinhlip ruok chu sukhnuoi nîng a tih.

THUVARHAI 15:7

Mi var hmûrhai chun hrietna a the dar a, Invêt lungril ruok chun chuong angin a thaw ve nawh.

THUVARHAI 16:22

Hrietthiemna hi a neitu ta ding chun hringna tuihnâr a na; Invêthai inchûktirna ruok chu an invêtna a nih.

THUVARHAI 23:15

Ka naupa, i lungril a var phawt chun, Ka lungril, keia ta ngei chu, lâwm a tih.

THUVARHAI 27:9

Hriek le riminhnik hin lungril a suklâwm ang bawkin, Lungril taka inthawka suok ruolpa thurâwn ṭha chun a suklâwm hlak,

THUHRILTU 12:10

Thuhriltu chun thu pawmtlâkhai chu hmu suok dingin a zawng a, chuong zieka umhai chu thu ngîl, thudik thuhai chu an nih.

ISAI 50:4

Mi sâwltak chu thua ka suksâwldam theina dingin Lalpa Pathien chun inchûktirhai lei a mi pêk a; ama chun tûk tinin a keihar a, inchûktirhaiin an hriet anga hre dingin ka na hi a keihar hlak.

HOSEA 14:9

Tu am vara hieng hi hrethiem thei ding? Tu am var hlea hre thei ding? Lalpa lampuihai chu an indik a; Mi indikhai chun an hraw ding a ni si a; Bawsetuhai ruok chu chutaka chun An insui thlu ding a nih.

MATTHAI 11:25

Chu lai chun Isûn a biek a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautehai kuomah i puong lei hin kân pâk che.

LUKA 4:22

Chun, an rêngin ama an inpâk a, a bausuok lunginsietna thu dâm chu mak an ti hle a. “Hi pa hi Josef naupa a ni naw am a nih?” an ta.

JOHAN 7:46

Manmihai chun, “Hi mipa thuhril ang hrim hin tukhawmin thu an hril ngai nawh,” an ta, an dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:19

In awizie chu mi po po kuomah ân thang suok ta si a. Chuleiin, nangni chungthuah ka lâwm a nih; nisienlakhawm, a ṭha tieng in vara, a suol tieng in var naw ka nuom a nih.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.