THUVARHAI 16:20 - Pathien Lekhabu Inthieng (BSI)

²⁰ Thu pawisatu chun thil ṭha hmûng a ta, Lalpa ringtu chu, ama chu a hlim a nih.

THUVARHAI 16:20 ပူးပေါင်းရင်းမြစ်များ

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um ta a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat si a.

INPÂKNA HLABU 125:1

Lalpa ringtuhai chu Zion tlâng sukhnîng ruol lo, kumkhawtluonga um zing ding ang chu an nih.

INPÂKNA HLABU 146:5

Jakob Pathien ṭhangpuitua nei chu lâwmtakin a um hlak; Lalpa Pathiena beiseina neitu chu.

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni si a. Amaa an ringna innghattuhai po po chu an hamṭha.

INPÂKNA HLABU 32:10

Mi rilo ta ding chun lungngaina tamtak um a ta, Lalpa ringtu ruok chu ngilneinain inhuolvêl lem a tih.

INPÂKNA HLABU 34:8

Aw Lalpa ṭhatzie chu intem sin hrim ta u: Amaa ringna innghattu chu a hamṭha.

THUVARHAI 13:13

Tukhawm thu hmusittu chun ama chungah sietna ân tlun hlak a, Thupêk ṭitu ruok chu lâwmman pêkin um a tih.

THUVARHAI 13:15

Hrietthiemna ṭha chun ditsakna a chang a, Mi ringum naw lampui ruok chu a kherinkhâwng.

THUVARHAI 17:2

Siehlaw vartaka thaw hlaktu chun naupa, inzakna intlun hlaktu, chunga chun rorêl a tih. Unauhai laiah rochan nei bawk a tih.

THUVARHAI 19:8

Varna hmutu chun ama lungril a hmangai a, Hrietthiemna vawngtu chun thil ṭha chu hmûng a tih.

THUVARHAI 8:35

Tukhawm a mi hmu suoktu chun hringna chu a hmu suok a, Lalpa ditsakna chu chang a tih.

ISAI 30:18

Chuleiin, Lalpa chun a lunginsiet theina ding cheuin, nghâk a ta, chuleiin, a lainat theina ding cheuin chawimawiin um a tih; Lalpa chu rorêl felna Pathien a ni si a; ama nghâktuhai po po chu an hamṭha ie.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

DANIEL 6:23

Chun, lal chu nasatakin a lâwm tah a, Daniel chu pûka inthawka la suok ding chun anni chu thu a pêk tah a, chuongchun, Daniel chu pûka inthawk chu lâk suokin a um a, ama chun Pathien chu a ring tlat leiin amaa chun suknatna iengkhawm hmuin a um naw a.

MATTHAI 10:16

“Ngai ta u, satenehai laia berâm um angin ka tir cheu hi; chuongchun, rûl anga vara, vaṭhu anga pawi tâwklovin um unla.