THUVARHAI 16:1 - Pathien Lekhabu Inthieng (BSI)

¹ Lungril siemrêlnahai chu mihriem ta a na, Leia dawnna ruok chu Lalpa kuoma inthawk a nih.

THUVARHAI 16:1 ပူးပေါင်းရင်းမြစ်များ

2 SAMUEL 7:5

“Fe la, ka siehlaw David chu va hril rawh, ‘Lalpa chun hieng ang hin a tih; Ka umna dingin nangin in i mi bâwlpêk ding am a nih?

2 CHANCHIN SUINA 18:31

Chun, sakawr tawlailîr hotuhai chun Jehosaphat chu an hmu chun, “Israel lal a ni a,” an ta. Chuleiin, ama chu do dingin an inhuol ta a; amiruokchu, Jehosaphat chu a khêk a, Lalpa chun ama chu a ṭhangpui ta a; chuongchun, amaa inthawka inkieng dingin Pathien chun a hung thaw ta a.

EZRA 7:27

Jerusalema Lalpa in cheimawi dinga lal lungrila thil hienga sietu ei thlatuhai Pathien Lalpa chu inpâkin um raw se;

NEHEMIA 1:11

Aw Lalpa, lunginsiettakin i sie- hlaw ṭawngṭaina le i hming ṭi lâwm zâwnga nei, i siehlawhai ṭawngṭainaa hin i na lo sit ta; chun, vawisûn hin i siehlaw hi mîn hlawtlingtir la, hi mi mithmua hin lunginsiettakin zângaina indawngtir rawh,” ka ti a. Kei chu lal no inhlântu ka ni si a.

JOB LEKHABU (THE BOOK OF JOB) 17:11

Ka nihai chu a liem a, ka thiltumhai chu a hung se a, Ka lungril ngaituohai ngei chu.

INPÂKNA HLABU 10:17

Lalpa, zainêmhai dit zâwng chu ngaipêk i ta; An lungril chu buotsai i ta, i na chu inngaitir bawk i tih:

INPÂKNA HLABU 119:36

I thuinhriettir tienga chun ka lungril hi inthlêktir la, Duâmna tiengah ni lovin.

FESUOKNA 4:15

Ama kuoma chun thu hril i ta, thuhai chu ama bauah sieng i ta: i bau le ama baua chun um ka ta, ieng am in thaw ding chu inchûktir ka ti cheu.

THUVARHAI 15:33

Lalpa ṭîna chu varna inchûktirna a nih; Chun, inzakaina hmaa chun inngaitlâwmna a fezie.

THUVARHAI 16:9

Mihriem lungril chun a lampui chu a riruong hlak a, A kalchawihai ruok chu Lalpa chun a kâwkhmu hlak.

THUVARHAI 19:21

Mihriem lungrila chun remruotna tamtak a um a, Amiruokchu, Lalpa thurâwn chau chu ngîrsuok a tih.

THUVARHAI 20:24

Mihriem fenahai chu Lalpa ta a na, Chuong a ni chun, miin iengtin am mâni lampui chu hre thei a ta?

THUVARHAI 21:1

Lal lungril chu tui luong ruomhai angin Lalpa kuta chun a um a, Ama nuomna tieng tieng a hêm hlak.

JEREMIA 10:23

Aw Lalpa, mihriem lampui chu amaa chun a um nawh ti ka hriet a; a kepênhai sukdik dingin mihriema chun infetirtu chu a um nawh.

2 KORINTH 8:16

Chun, in chunga ka ṭhahnemngaina ang Tita lungrila pe hlaktu Pathien kuoma chun lâwmthu um raw se.

PHILIPPI 2:13

ama lâwmna dinga thaw tum ding le thaw dinga nangnia sin thawtu chu Pathien a ni si a.