THUVARHAI 15:9 - Pathien Lekhabu Inthieng (BSI)

⁹ Mi khawhlo lampui chu Lalpa ta dingin tirdakum a na, Felna hnawttu ruok chu a hmangai hlak.

THUVARHAI 15:9 ပူးပေါင်းရင်းမြစ်များ

INPÂKNA HLABU 1:6

Lalpa chun mi felhai lampui chu a hriet si a, Mi rilohai lampui ruok chu bohmang a tih.

INPÂKNA HLABU 11:7

Lalpa chu a fel si a, felna hi a ngaina hlak, Mi indiktakhai chun a hmêl la hmûng an tih.

INPÂKNA HLABU 139:24

Chun, keimaa hin rîtlona kawng hrim hrim a um le a um naw en la, Chatuon lampuia chun mi ṭhuoi rawh.

INPÂKNA HLABU 5:5

Mi uonghai chu i mithmuah ngîr thei naw ni hai a, Thil suol thawtuhai po po chu i theida hlak.

THUVARHAI 15:10

Lampui mâksantu ta ding chun sukdikna lungngaiumtak a um hlak, Kâwkna theidatu chu thi ngei a tih.

THUVARHAI 21:21

Zângaina le felna hnawttu chun, Hringna, felna le inzâkaina a hmu hlak.

THUVARHAI 21:4

Meng insâng le lungril chapo, Mi khawhlo khâwnvar ngei khawm chu suol a nih.

THUVARHAI 21:8

Mi khawhlo lampui chu a kâwi hle a, Mi inthieng sinthaw ruok chu a tluong a nih.

THUVARHAI 4:19

Mi khawhlohai lampui chu inthimna ang a na, Ieng âm an insui ti khawm an hriet nawh.

THUVARHAI 8:13

Lalpa ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

ISAI 26:7

Mi fel lampui chu indikna a na, nang lungril indiktak put chun mi fel lampui chu i sukruol hlak.

ISAI 51:1

Felna hnawttuhai, Lalpa zawngtuhai, ka thu hi lo ngai ta u; nangni sutna lungpui tieng le khursûnga nangni cho suokna khur tieng kha en ta u.

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

HOSEA 6:3

Lalpa hrietna chu hnawt pei ei tiu khai, hrieng ei tiu; Zîng khawvar anga inkhêl ruol lovin ân thawk suok ngei hlak; Ei kuomah ruo angin, ruo nuhnung, hnuoi sukhûtu ang elin hung tlung a tih,” tiin.

HABAKKUK 1:13

Nang chu suolna hmûna hlak nêka mit inthieng lem nei i na, Khawhlona chu i en thei naw a nih, Chuleiin, khawhlotaka thawtuhai chu hmu zingin, Mi rilovin ama nêka mi fel lem a lem zo lai khawmin, Iengdinga i tosan ṭawk ṭawk am?

MATTHAI 7:13

“Kawtkhâr chîna chun lût ro; bohmangnaa fena kawtkhâr chu a lien a, a lampui khawm a lien bawk a, chu tienga lût chu tam khawm an tam hle a nih.

DÂN PAHNINA 7:13

hmangai a ti cheu a, malsâwm a ti cheu a, sukpung a ti cheu a, pêk dinga in pi le puhai kuoma ân khâmna rama chun in rîla ra le in hnuoi ra khawm malsâwm bawk a tih, in bu dâm, in uoin dâm, in hriek dâm, in bâwngtehai le in berâmtehai khawm.

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, dawtheina dâm, thuhnuoirawlna dâm hnawt pei rawh.

2 TIMOTHE 2:22

Nisienlakhawm, tleirâwl châknahai chu tlânsan la, lungril inthienga Lalpa lam taphawthai kuoma chun felna dâm, ringna dâm, hmangaina dâm, inremna dâm hnawt ve rawh.