THUVARHAI 15:28 - Pathien Lekhabu Inthieng (BSI)

²⁸ Mi fel lungril chun dawn dân ding ân chûk hlak a, Mi khawhlo bau ruok chun thil ṭhalohai a sâksuok hlak.

THUVARHAI 15:28 ပူးပေါင်းရင်းမြစ်များ

1 PETER 3:15

Amiruokchu, in lungrilah Krista chu Lalah ruot ro; nangnia um in beiseina san chu ân dawn taphawt cheu chu dawn dingin inzosa rawp ro.

THUVARHAI 29:11

Mi invêt chun a lunginsenna thu po po a sâksuok hlak a, Mi var ruok chun a kawl tlat a, a sukdei hlak.

THUHRILTU 5:2

I bauin ti rawk rawk naw la, Pathien hmaa thil iengkhawm hril dingin inhmaw naw rawh; Pathien chu vânah a um a, nang chu hnuoia um i ni si a; chuleiin, i thu chu suktlâwm rawh.

THUVARHAI 15:2

Mi var lei chun hrietna indik a hril suok hlak a, Mi invêt bau ruok chun invêtna a bun suok hlak.

MATTHAI 12:34

Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

THUHRILTU 5:6

I bauin suolna tieng a ṭhuoilût ding che phal naw la; Pathien mitirhai hmaa chun 'intiem suolpal a ni kha' ti bawk naw rawh; iengleiin am i ṭawngbauah Pathien chu lunginsenin, i kut sinthawhai chu a sukbohmang el a ta?

THUVARHAI 29:20

A thuhaia inhmaw mi i hmu hlak am? Ama nêk chun mi invêta khawm beiseina a tam lem a nih.

THUVARHAI 16:23

Mi var lungril chun ama bau ân chûktir a; A hmûrhaia chun thiemna a belsapêk hlak.

THUVARHAI 13:16

Mi var tinhai chun hrietna leh sin an thaw a, Mi invêt ruok chun invêtna chu a thedar.

THUVARHAI 10:19

Thu um khâwm ṭeu laia hin bawsietna a bo naw a; A hmûr vêngṭhatu ruok chun vartakin a thaw a nih.

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak si a.

INPÂKNA HLABU 59:7

Ngai ta, an bauah an inir suok a, An hmûra chun kâwlhnâmhai a um a: “Tu am hrie an um a?” an ti el a nih.

THUVARHAI 10:32

Mi fel hmûrhai chun lâwm tlâkhai chu a hriet a, Mi khawhlo bau ruok chun khêlthu a sâk suok hlak.