THUVARHAI 15:27 - Pathien Lekhabu Inthieng (BSI)

²⁷ Hlêpnaa duâm mi chun a insûng a chawkbuoi a, Thamna theidatu ruok chu hring a tih.

THUVARHAI 15:27 ပူးပေါင်းရင်းမြစ်များ

1 LALHAI 2:40

Simei chu a tho a, a sabengtung chu a buotsai a, siehlawhai zawng dingin Gath khuoa Akis kuoma chun a fe ta a; chun, Simei chun Gath khuoa inthawk chun a siehlawhai chu a va ṭhuoi ta a.

2 LALHAI 5:27

Chuongchun, Naaman inphârna khan man a ti che a, kumkhuoin i thlahai khawm man pei a tih,” a ta. Chuongchun, a kuoma inthawk chun vûr anga vâra inphârin a fe suok ta a.

INPÂKNA HLABU 15:5

A pung um dinga tangka inpûktir ngailo, A thiem lem thiemnaw inchangtir dinga thamna khawm la ngailo mi chu: Chuong thilthawtu chu iengtik khawm inhnîng naw ni.

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

FESUOKNA 23:8

Chun, thamna i lâk ding a ni nawh, thamna chun hmutheina neihai khawm an mit a sukdel a, mi fel thuhai khawm a keikâwi hlak si a.

THUVARHAI 1:19

Hlêpnaa duâm mi taphawthai lampui chu chuong ang chu a nih; A neituhai hringna chu a lâk hmang hlak.

THUVARHAI 11:19

Felnaa ngîr det tlattu chun hringna chu hmûng a ta, Suolna hnawttu chun a thina ding ngeiin a thaw a nih.

THUVARHAI 11:29

Mi ama in ngei sukbuoitu chun takbo ro hluong a ta, Mi invêt chu lungril var kuoma siehlaw nîng a tih.

THUVARHAI 15:26

Remruotna rilohai hi Lalpa ta dingin tirdakum a na, Thu lâwmumhai ruok chu ân thieng.

THUVARHAI 20:21

A tira chun rochan chu inhmâwtaka chang thei nîng a ta, Amiruokchu, chu tâwpna chu malsâwmpêk ni naw nih.

THUVARHAI 23:4

Hung hausa dingin insuklungkham naw la, I varnaa inthawk ngei chun bân rawh.

THUVARHAI 28:16

Lal naupa hrietthiemna tlasam hi nêksâwrtu nasatak a na, Hlâwkna indiklo theidatu ruok chun a nihai suksei a tih.

THUVARHAI 28:25

Lungrila huomhap mi chun inkhingna a chawktho a; Lalpa chunga a ringna innghattu ruok chu sukthâu nîng a tih.

THUVARHAI 29:4

Lal chun rorêlna felin ram chu a tungding a, Amiruokchu, thilthlâwnpêkhai dawngtu chun a suksiet.

JEREMIA 17:11

Indik lova hausaknahai neitu chu, varung ama awpkêu ni si lo te kei khâwmtu ang chu a nih; a dam sûng la la chun ama chu mâksan an ta, a tâwpa chun ama chu invêt nîng a tih.

DÂN PAHNINA 16:19

Indik nawtakin ro in rêl ding a ni nawh, tukhawm ditsak bîk in nei ding a ni nawh; thilpêk in lâk ding a ni bawk nawh; thilpêk chun mi varhai mit a sukdelpêk a, mi felhai thu a sukkhawhlopêk hlak si a.

DÂN PAHNINA 7:26

In in sûngah thil tirdakum la lûtin chu thil ang chun ṭawngsephurah in insiem ding a ni nawh; tirdakum namên lova tirdakin in theida hle ding a nih, ṭawngsephur thil a ni si a.

1 TIMOTHE 6:10

Tangka sum ngainat hi suol tinrêng bul a ni si a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

1 TIMOTHE 6:9

Amiruokchu, hausak tumtuhai chu thlêmnaa dâm, chânga dâm, invêtthlâk le sukkhawhlo thei inhâwkna tamtaka dâm an tlu lût a, chuong inhâwknahai chun sietna le bohmangnaah mi a suktlum hlak.

JOSUA 6:18

Nangni ruokchu suksiet dinga thil pumpêka inthawk chun insiekieng hlau ro, chuong naw chun, suksiet dinga thil pumpêk laia mi ieng khawm lo lain, Israelhai riebûk hi suksiet dingah siem in ta, lunginzîngna intlun hlau rawi in tih.

1 SAMUEL 12:3

Hitaka hin ka um a, Lalpa hmaa le a hrieknâl hmaa hin mi sêl ro le? Tu bâwngchal am ka lâkpêk hlak a? Tu sabengtung am ka lâkpêk hlak a? Tu am ka hlêm ta hlak a? Tu am ka suknawmna hlak a? Ka mit sukdel dingin tu kuoma inthawkin am thamna ka lâk hlak a? Thung nâwk vawng ka ti cheu,” a ta.