THUVARHAI 15:26 - Pathien Lekhabu Inthieng (BSI)

²⁶ Remruotna rilohai hi Lalpa ta dingin tirdakum a na, Thu lâwmumhai ruok chu ân thieng.

THUVARHAI 15:26 ပူးပေါင်းရင်းမြစ်များ

INPÂKNA HLABU 19:14

Aw Lalpa ka lungpui le a mîn tlantu, Ka baua thu suokhai le ka lungrila ngaituonahai hi i mithmuah lâwmtlâkin um raw se.

INPÂKNA HLABU 45:1

Ka lungril hi thil ṭhain a liem zar zar a; Laltak chungchâng thua ka thil phuok chu ka hril ding a nih: Ka lei hi lekhaziek thiemtak kawlawm a nih.

THUVARHAI 11:20

Lungrila khêlinhliphai chu Lalpa ta dingin tirdakum an na, An lampuia fel famkimhai ruok chu a lâwm zâwng an nih.

THUVARHAI 15:23

Dawnna indik chun mi a suklâwm a, A huntaka thu a ni tak hril chu a va ṭha de!

THUVARHAI 15:25

Mi chapo sûngkuo chu Lalpa chun kar thlûng a ta, Hmeithai ramri ruok chu tungdingpêk a tih.

THUVARHAI 15:27

Hlêpnaa duâm mi chun a insûng a chawkbuoi a, Thamna theidatu ruok chu hring a tih.

THUVARHAI 16:24

Thu lâwmumhai chu khuoithlâr ang a na, Lungril ta dingin a thlum a, ruhai ta dingin hrisêlna a nih.

THUVARHAI 24:9

Invêt ngaituona chu suol a na, Hmusittu chu mihriemhai ta dingin tirdakum a nih.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

MATTHAI 15:19

Lungrila hin ngaituona suolhai, tuolthatna hai, uiretna hai, inditna hai, inrûkna hai, inhêkna hai, hrilsietna hai a hung suok hlak si a.