THUVARHAI 15:25 - Pathien Lekhabu Inthieng (BSI)

²⁵ Mi chapo sûngkuo chu Lalpa chun kar thlûng a ta, Hmeithai ramri ruok chu tungdingpêk a tih.

THUVARHAI 15:25 ပူးပေါင်းရင်းမြစ်များ

JOB LEKHABU (THE BOOK OF JOB) 24:21

Ra insuo ngailo, ching chu a fâk zo a, Hmeithai kuoma chun thil ṭha a thaw ngai nawh.

INPÂKNA HLABU 10:14

Hmu chu i hmu zing ta a, i kuta thung dingin buoina le lungzîngna chu în chik ta a, Iengkhawm thaw thei lo mi chu i kuomah a tlulût hlak a; Pa bo ṭhangpuitu i ni hlak kha.

INPÂKNA HLABU 138:6

Lalpa chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

INPÂKNA HLABU 146:9

Lalpa chun mikhuolhai chu a vawng ṭha hlak a, Pa neilo le hmeithai chu a chel zing hlak a; Mi rilohai lampui ruok chu a sukletling hlak.

INPÂKNA HLABU 52:1

Aw mi hrât, iengdinga thil suksuol i suong am a na? Pathien zaidamna chu a um zing hlak a nih.

INPÂKNA HLABU 52:5

Pathien chun kumkhawtluonga dingin sukse vêng a ti che, Man a ti che a i umnaa inthawkin kei dawk a ti che a, Mi hring rama inthawk hin kei suok dai a ti che.

THUVARHAI 12:7

Mi khawhlohai chu pei thlâkin an um a, an um ta naw a, Nisienlakhawm, mi fel insûng ruok chu a ngîr zing hlak.

THUVARHAI 14:11

Mi khawhlo in chu nam thlûk nîng a ta, Mi tluong puon in ruok chu um rân a tih.

THUVARHAI 15:26

Remruotna rilohai hi Lalpa ta dingin tirdakum a na, Thu lâwmumhai ruok chu ân thieng.

THUVARHAI 23:10

Inhmaa ramri chu sawn hmang naw la, Pa neilohai lohaia chun lût bawk naw rawh.

ISAI 1:17

rorêlna fel zawng unla, nêksâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.

ISAI 2:12

Sipaihai Lalpa ni chu inngaisâng le, chapo po po chunga le chawisânga um po pohai chunga chun a la um ding a ni si a; chuongchun, suktlâwmin um a tih;

JEREMIA 5:28

An hung thâu a, an tlawr a, anih, khawhlona thilthawhai chu an thiem zâk a, a chungthu angin, pa neilohai chungthua chun an ṭan naw a, an hlawtlingna dingin; mi tlasamhai thuneina chu an ngaisak nawh.

DANIEL 5:20

Nisienlakhawm, a lungril chu a hung insâng a, a lungril a hung ngar phingle chun chapotakin a thaw ta a, ân lalna lalṭhungphaa inthawk chun sie hnuoiin a um ta a, amaa inthawk chun a ropuina chu an lâk hmang a,

DÂN PAHNINA 19:14

“Lalpa in Pathienin in hluo dinga a pêk cheu ram, in hluo ding rama a hmaa an lo phun tah in inripui in tuolbâwm ramri chu in sawn ding a ni nawh.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai lova insiem hi.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.