THUVARHAI 15:20 - Pathien Lekhabu Inthieng (BSI)

²⁰ Naupa var chun pa lâwm a siem a, Mi invêt ruok chun a nu chu a hmusit.

THUVARHAI 15:20 ပူးပေါင်းရင်းမြစ်များ

1 LALHAI 1:48

Chun, lal khawm chun hieng ang hin a ti a, ‘Lalpa Israelhai Pathien, vawisûn ngeia ka lalṭhungphaa ṭhung ding hung ruottu chu inpâkin um raw se, ka mit ngeiin a hmu ta hi, tiin,’ ” a ta.

1 LALHAI 2:9

Chuongchun, thiemchang chun chu insuo naw rawh, mi var i ni si a, a chunga ieng anga thaw ding am a na ti hre el i tih; a lua kêlsam ṭo chu thisen leh thlânah în liemtir ding a nih,” a ta.

1 LALHAI 5:7

Chun, Hiramin Solomon thu a lo hriet chun a lâwm ta êm êm el a, “Hieng mi tamtak chunga rorêl dinga naupa vartak David kuoma petu Lalpa chu vawisûn hin inpâkin um raw se,” a ta.

FESUOKNA 20:12

I nu le pa chawimawi rawh: Lalpa i Pathienin a pêk che rama hin i nihai chu a sâwt theina dingin.

THUVARHAI 10:1

Solomon Thuvarhai chu. Naupa var chun pa lâwm a siem a, Naupa invêt ruok chu nu ta dingin phurrik a nih.

THUVARHAI 13:1

Naupa var chun a pa inchûktirna chu a ngai a, Hmusittu ruok chun kâwkna chu a ngai nawh.

THUVARHAI 15:19

Mi thabo lampui chu hling daihai ang a na, Mi tluong lampui ruok chu lamtluongpui a nih.

THUVARHAI 23:22

I pa nang a neitu che thu hi ngai la, Chun, i nu chu a tar hnung khawma hmusit bawk naw rawh.

THUVARHAI 23:24

Mi fel pa chu nasatakin hlim a ta, Chun, nau var neitu chu amaa chun hlim bawk a tih.

THUVARHAI 29:3

Varna hmangaitu chu a pa chunga chun a hlim a, Nawchizawr le inpâwlna neitu ruok chun a thuomhnaw a sukthâmral hlak.

THUVARHAI 30:17

Mit a pa hmusittu le, A nu thu awi dinga ngainêptu mit chu, Phairuom vaâkhai chun kheldawk an ta; Mulukawlhai chun fâng an tih.

LEVI DÂN 19:3

Mi tinin in nu le pa in ṭi ding a na; chun, ka châwlnihai chu in inser ding a nih; Kei hi Lalpa in Pathien chu ka nih.

PHILIPPI 2:22

Nisienlakhawm, ama hi chu fiea a um tâkzie in hriet, nauin a pa rawng a bâwl angin, Chanchin Ṭha sukdar kawngah rawng a mi bâwlpui hlak kha.