THUVARHAI 15:18 - Pathien Lekhabu Inthieng (BSI)

¹⁸ Mi nunsie chun inhalna a chawktho a, Mi lunginsen intak ruok chun inhalna a sukre.

THUVARHAI 15:18 ပူးပေါင်းရင်းမြစ်များ

2 SAMUEL 19:43

Chun, Israel mihai chun Juda mihai chu an dawn a, “Lala hin chan sâwm kan nei a, Davida hin nangni nêkin chan kan nei lem a nih. Iengdinga in mi ngainêp el am a na? Lal ṭhuoikîr thu hi a rawt hmasatu kan ni naw am a nih?” an ta. Chuongchun, Juda mihai thu chu Israel mihai thu nêk chun ân rum ta lem a.

THUVARHAI 10:12

Theidana chun inkhingna a chawk suok a, Hmangaina ruok chun bawsietna po po ân khum hmang.

THUVARHAI 14:29

Mi lunginsen intaktak chu hrietthiemna nasatak nei a nih, Lungril ṭuonrang ruok chun invêtna chu a chawimawi a nih.

THUVARHAI 15:1

Dawnna innêm chun lunginsenna a hnawt hmang a, Ṭawng theidaum ruok chun lunginsenna a chawktho.

THUVARHAI 15:19

Mi thabo lampui chu hling daihai ang a na, Mi tluong lampui ruok chu lamtluongpui a nih.

THUVARHAI 16:14

Lal lunginsenna chu thina thangkohai an nih; Mi var ruok chun sukdei a tih.

THUVARHAI 16:28

Mi dukindaklo chun inhalna a thedar a , Mi lâwtthiem chun ṭhien bulhai a sukṭhe.

THUVARHAI 22:24

Mi lunginsen hmang chu ruolah siem naw la, Mi nunsie le chun in inkawp ding a ni nawh.

THUVARHAI 25:15

Tuor sâwt peina chun rorêltu chu thlêmthlûk a na, Chun, lei innêm chun ru chu a sukthliek.

THUVARHAI 26:21

Meihawlhai chu meiling ding le, thinghai chu mei ding an ni angin, Mi hrângsie chu inkhingna sukṭaltu a nih.

THUVARHAI 28:25

Lungrila huomhap mi chun inkhingna a chawktho a; Lalpa chunga a ringna innghattu ruok chu sukthâu nîng a tih.

THUVARHAI 29:22

Mi lunginsen chun inkhingna a chawktho a, Mi lungsen hmang chu bawsietnain a sip a nih.

THUHRILTU 10:4

Rorêltu lungril chu i chungah a tho chun, I umna hmun chu mâksan naw la; Intuklûtna hin lungninawna nasatak chu a sukrê si a.

MATTHAI 5:9

“Inremna siemtuhai chu an hamṭha; Pathien nauhai inbûkin an la um ding a ni si a.