THUVARHAI 14:30 - Pathien Lekhabu Inthieng (BSI)

³⁰ Lungril hrisêl chu taksa hringna a na, Itthîkna ruok hi chu ruhai ta dinga hmawnna a nih.

THUVARHAI 14:30 ပူးပေါင်းရင်းမြစ်များ

1 LALHAI 21:6

Ama chun a kuomah, “Jezreel mi Naboth chu ka va biek a, a kuomah, ‘I grêp huon hi min châwktir rawh, annawleh i dit lem chun a aiah grêp huon dang pêng ka ti che,’ ka ti a, ama chun, ‘Ka grêp huon chu pe thei naw ning che,’ tiin a mi dawna a nih,” a ta.

JOB LEKHABU (THE BOOK OF JOB) 5:2

Lunginsenna chun mi invêt chu a sukhlumin, Îtthîkna chun mi intlâw chu a that hlak si a.

INPÂKNA HLABU 112:10

Mi rilo chun chu chu hmûng a ta, lunginsen a tih, A ha râwt a ta, intuihmang a tih: Mi rilohai dit zâwng chu bohmang a tih.

INPÂKNA HLABU 119:80

Ka muolpho nawna dingin, Ka lungril hi i thuruothaia chun ṭha famkimin um raw se.

THUVARHAI 12:4

Nuhmei ringum chu a pasal ta dingin lallukhum a na, Thil inzapuium thawtu ruok chu a ruhai ta dingin inngêna ang a nih.

THUVARHAI 15:13

Lungril hlim chun hmêl hlimtak a siem a, Lungril lungngai ruok chun lungvar a suksiet hlak.

THUVARHAI 17:22

Lungril hlim chu damdawi ṭha a na, Lungril serawp ruok chun ruhai a sukṭâwl hlak.

THUVARHAI 3:8

I laibua dingin hrisêlna nîng a ta, I ruhai ta dingin thlin.

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um si a.

HABAKKUK 3:16

Ka hriet a, ka phîngsûng chu ân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

THILTHAWHAI 7:9

“Chun, chi thlatuhai khan Josef an îtthik a, Aigupta tieng an zawr a, nisienlakhawm, Pathien a kuomah a um a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:29

chuongchun, rîtlona tinrêng dâm, suolna tinrêng dâm, inhnarna tinrêng dâm, lungril ṭhat nawna tinrêng dâmin an hung sip ta a; îtsîkna dâm, tuolthatna dâm, inhalna dâm, inhlêmna dâm, lungril setak dâma sip an na; inberu hmanghai,

2 TIMOTHE 1:7

Pathienin ṭitna thlarau a mi pêk naw a, thilthawtheina le hmangaina le lungril feltak neina thlarau a mi pêk lem a ni si a.

JAKOB 4:5

Annawleh, “Thlarau einia ân chêngtir chun, thîk khawp hielin a mi dit a nih,” ti hi, Pathien Lekha Thuin iengkhawm ni lovin a hrilin in ring am a nih?