THUVARHAI 14:22 - Pathien Lekhabu Inthieng (BSI)

²² Thil ṭha naw rawt suoktuhai chun an suksuol a ni naw am a nih? Thil ṭha rawt suoktuhai kuoma ruok chun thutak le lunginsietna um a tih.

THUVARHAI 14:22 ပူးပေါင်းရင်းမြစ်များ

INṬANNA 24:27

Chun, “Ka pu chunga a lunginsietna le a takna bo ngailo Lalpa, ka pu Abraham Pathien chu inpâkin um raw se; kei khawm hi Lalpa chun ka pu unauhai in tieng a mi ṭhuoi a lo ni hi,” a ti a.

2 CHANCHIN SUINA 6:8

Amiruokchu, Lalpa chun ka pa David kuoma chun, ‘Ka hming dingin, in bâwl dingin lungril i nei a ni âwm a; hieng i lungrila um hi i thaw ṭha ngawt el;

INPÂKNA HLABU 25:10

A thuthlung le a thuinhriettir zâwmtuhai ta ding chun, Lalpa lampui po pohai chu ngilneina le thutak vawng a nih.

INPÂKNA HLABU 36:4

A khumlaizâwla chun thilsuol a ngaituo hlak a, Lampui ṭha nawa chun a fe hrâm hrâm a, Suolna chu a tirdak nawh.

INPÂKNA HLABU 61:7

Pathien hmaah kumkhuoin um zing a tih, Aw, ama humhim theina dingin ngilneina le thutak buotsai rawh.

THUVARHAI 12:2

Mi ṭha chun Lalpa ditsakna hmûng a ta, Thiltum khawhlo nei mi ruok chu thiemnaw inchangtir a tih.

THUVARHAI 12:26

Mi fel chu a tuolbâwm ta dingin ṭhuoitu a na, Mi khawhlo lampui ruok chun ân suksuoltir hlak.

THUVARHAI 14:17

Lunginsen awltak chun invêttakin thaw rawp a ta, Chun, mi remruotna khawhlo neitu chu theida ni bawk a tih.

THUVARHAI 14:23

Sininrimna po poa hin hlâwkna a um a, Hmûrhaia a hrila hril ngawt el hi chu tlâksamnaah ân nghat.

THUVARHAI 19:22

Mihriem nuom zâwng chu a lunginsietna inkhina a na, Mi pasie chu mi khêlhlip nêkin a ṭha lem.

THUVARHAI 24:8

Thil ṭha naw rawtdawktu chu Mihaiin mi pawitâwk hmangah inbûk an ta.

THUVARHAI 3:29

I lakah lungmuongtaka a um hmu zing si chun, I tuolbâwm chunga chun thil ṭha naw suongtuo naw.

THUVARHAI 3:3

Lunginsietna le thudik chun nghatsan naw sienla che: I rîngah vêt tlat la, I lungril phêk chunga chun ziek rawh.

THUVARHAI 6:14

A lungrila chun kâwmâwna a um a, thilsuol a rawt suok rawp a, Indarna a tu hlak.

MIKA 2:1

An khum laizâwla khawhlona suongtuotuhai le thil ṭha naw ngaituo suoktuhai chu an chung a rik de! Zîngkâra khuo a hung var hin chu chu an thaw hlak a, anni kut thilthawtheina a ni si leiin.

MATTHAI 5:7

“Mi chunga zângaitheitakhai chu an hamṭha; zângaina an la hlaw ding a ni si a.

JOHAN 1:17

Dân chu Mosie hmanga pêk a na, lunginsietna le thutak chu Isu Krista leiin a hung um.

JOSUA 2:14

Mihai chun amanu kuoma chun, “Kan thilthaw hi i hril suok naw ding chun in thi ai thîng kan tih. Lalpain ram hi a mi pêk pha chun lunginsiet chein, i chungah ringumtakin thâwng kan tih,” an ta.