THUVARHAI 14:17 - Pathien Lekhabu Inthieng (BSI)

¹⁷ Lunginsen awltak chun invêttakin thaw rawp a ta, Chun, mi remruotna khawhlo neitu chu theida ni bawk a tih.

THUVARHAI 14:17 ပူးပေါင်းရင်းမြစ်များ

2 LALHAI 5:12

Damaska vadung hieng Abana le Pharpar hai hi Israel rama vadunghai nêk chun a ṭha lem a ni naw am a nih? Chuonga hai chun insilin kân thieng el thei naw am a nih?” a ta. Chuongchun, a ngha kîr a, lunginsenin a fe hmang ta a.

ESTHER 3:6

Nisienlakhawm, ama chun Mordekai chung chaua kut thlâk chu inzâpuiumah a ngai a; Mordekai chipuihai ngei chu ama an lo inhriettir ta si a; chuongchun, Haman chun Ahasuer ramawp sûng po poa, Juda mihai po po, Mordekai chipuihai ngei chu sukbohmangna ding a zawng ta a.

THUVARHAI 12:16

Invêt lungsenna chu hriet uor a ni hlak a, Mi var ruok chun inzakna chu a thuphmang hlak.

THUVARHAI 12:2

Mi ṭha chun Lalpa ditsakna hmûng a ta, Thiltum khawhlo nei mi ruok chu thiemnaw inchangtir a tih.

THUVARHAI 14:16

Mi var chun suol chu a ṭi a, a fe hmangsan hlak a, Mi invêt ruok chun chaponain a hmang a, ama ân ring tlat hlak.

THUVARHAI 14:18

Mi mâwl chun invêtna ro chu a hluo a, Mi varhai ruok chu thiemna inkhumtirin an um.

THUVARHAI 14:29

Mi lunginsen intaktak chu hrietthiemna nasatak nei a nih, Lungril ṭuonrang ruok chun invêtna chu a chawimawi a nih.

THUVARHAI 15:18

Mi nunsie chun inhalna a chawktho a, Mi lunginsen intak ruok chun inhalna a sukre.

THUVARHAI 16:32

Mi lunginsen intaktak chu mi thilthawtheitak nêkin a ṭha lem a, A lungril thunun theitu chu khawpui latu nêkin a ṭha lem.

THUVARHAI 20:3

Insuolnaa inthawka insietum hi mihriem ta dingin inzâkaina a na, Amiruokchu, invêt taphawthai chu insêl an tih.

THUVARHAI 22:24

Mi lunginsen hmang chu ruolah siem naw la, Mi nunsie le chun in inkawp ding a ni nawh.

THUVARHAI 29:22

Mi lunginsen chun inkhingna a chawktho a, Mi lungsen hmang chu bawsietnain a sip a nih.

THUVARHAI 6:18

Ngaituona suol ngairuot hlak lungril le, Pawi tâwk dinga ke tlân hrât hlakhai leh;

THUHRILTU 7:9

Lunginsen dingin i lungrilah inhmaw naw rawh, Lunginsenna chu mi invêthai ângsûnga um a ni si a.

ISAI 32:7

Mi vervêk thuomhnawhai chu ṭha nawtak a na; pasiehai chun thu dik an hril khawmin mi rimsihai chu khêl thua sukbohmang dingin ama chun thil suol thaw dingin a ngaituo hlak.

JAKOB 1:19

Unau dittakhai, chuong chu in hriet; nisienlakhawm, mi tinin ngai inchu sienla, thu hril inchu lovin, lungril sukuoi raw se;