THUVARHAI 13:4 - Pathien Lekhabu Inthieng (BSI)

⁴ Mi thabo lungril chun a châk hlaka chu, iengkhawm a nei nawh, Mi taima lungril ruok chu sukthâu nîng a tih.

THUVARHAI 13:4 ပူးပေါင်းရင်းမြစ်များ

INṬANNA 26:32

Chu ni le le chun Isak siehlawhai chu an hung a, an tuisunsuo cho chanchin an hung hril a, a kuomah, “Tui kan hmu tah,” an ti a.

INPÂKNA HLABU 92:14

Tar hnung khawma la ra rawp an ta, Tuihnâng pâi ṭeuin hring hlut hlut an tih.

THUVARHAI 10:4

Kut zawia sinthaw chu a hung pase a, Kut taima ruok chun ama chu a sukhausa.

THUVARHAI 11:25

Mi tiktlai chu sukthâu nîng a ta, Tui buoktu chu, ama ngei khawm tui buokkhum nîng a tih.

THUVARHAI 12:11

A hnuoi inlettu chun bei nei ṭeu a ta, Mi teplohai zuitu ruok chu hrietthiemna bo a nih.

THUVARHAI 12:24

Mi taima kut chun rorêlna chu kawl a ta, Mi thabo ruok chu sin inthawluitirna hnuoia sie nîng a tih.

THUVARHAI 12:27

Mi thabo chun a ramsuoknaa a lâk chu a raw naw a, Amiruokchu, mihriema thil hlutak. chu taima kuomah a um;

THUVARHAI 13:3

A bau vêng ṭhatu chun a hringna a kawl ṭha a, A hmûrhai ka lientu ruok chun suksietna tuok a tih.

THUVARHAI 13:5

Mi fel chun khêl hril a theida a, Mi khawhlo ruok chun inzakna a siemin kâwkna a lâk lût hlak.

THUVARHAI 20:4

Mi thabo chun thlasik leiin hnuoi inlet naw ni a, Chuleiin, busîk pha chun kut dâwng a ta, iengkhawm nei naw nih.

THUVARHAI 21:25

Mi thabo nuom zâwng chun ama a that a, A kuthai chun sinthaw inrim a nuom naw a.

THUVARHAI 21:5

Mi taima ngaituonahai chun hau hnawkna a âwn a, Amiruokchu, mi tin inhmaw ta hrim hrim chu tlasam ding chaua inhmaw a nih.

THUVARHAI 24:30

Mi thabo lo kâwla chun ka fe ta a, Mi hrietthiemna bo grêp huon kâwla leh.

THUVARHAI 24:31

Chun, ngai ta, hlinghaiin a lo ṭhangnel vawng a, A phêkin hling bukhaiin ân khum a, A lung banghai khawm chu a chim thla bawk a.

THUVARHAI 26:13

Mi thabo chun, “Sakeibaknei chu lampuiah a um a, Sakeibaknei chu kawtthlêrahai a um,” a ti hlak.

THUVARHAI 28:25

Lungrila huomhap mi chun inkhingna a chawktho a; Lalpa chunga a ringna innghattu ruok chu sukthâu nîng a tih.

THUVARHAI 6:6

Nang thabo, phaivâng kuomah fe la, A lampuihai ngaituo la, var rawh.

THUVARHAI 8:34

Ka thu hretu chu mi hamṭha a nih, Ka dâikawtkhâra ni tina nghâktu, Ka kawtkhâr bienga nghâk zingtu chu.

HLAHAI HLA 5:3

Ka zakawchung chu ka hlîp ta a, iengtin am hâk nâwk ka ta? Ka kehai chu ka sâwp ta a, iengtin am sukbal nâwk ka ta?

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

NAMBAR 23:10

Jakobrawi pilvut zât hiel chu tuin am tiem thei a ta? Israelhai hmun lia ṭhea hmun khat chu tuin am tiem thei a ta? Mi fel thi angin thi ve thei lang, Ka tâwpna chu a tâwpna ang ni sien,” a ta.

JOHAN 6:27

Bu bohmang nâwk el hlak zawng hin inlap rak rak naw ro, chatuona hringna chena um zing ding bu, Mihriem Naupain a pêk ding cheu chu zawng lem ro; Pa Pathien chun ama chu ân chik ta si a,” a ta, a dawn a

HEBRAIHAI 6:11

Chun, in beiseina chu a famkima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.

JOSUA 7:3

Chun, Josua kuoma chun an kir nâwk a, a kuomah, “Mi po po chu hang fe kher da el raw hai se, mi sâng hni amanih, sâng thum amanih hang fe hai sienla, Ai khuo chu thaw raw se; mi po po hang suksâwl kher ding a ni naw ie, tlâwmte chau an ni si a,” an ta.