THUVARHAI 13:21 - Pathien Lekhabu Inthieng (BSI)

²¹ Thil ṭha naw chun mi suolhai chu a hnawt pei a, Mi fel ruok chu thil ṭhaa thung nîng a tih.

THUVARHAI 13:21 ပူးပေါင်းရင်းမြစ်များ

INṬANNA 4:7

Thil thaw ṭha ni la chu pawm i ni naw ding am a nih? I thaw ṭha naw ruok chun suol chun kawtkhâr bulah ân chân zing che a nih; a dit zâwng chu nangma thuhne che a ni a, nisienlakhawm, nangin i thuhne lem ding a nih,” a ti a.

INPÂKNA HLABU 140:11

Thu ṭha naw hriltu chu hnuoia hin sukdetin um naw ni a, Mi nunrâwng sukse dingin thil ṭha nawin tlâkbuok a tih.

INPÂKNA HLABU 32:10

Mi rilo ta ding chun lungngaina tamtak um a ta, Lalpa ringtu ruok chu ngilneinain inhuolvêl lem a tih.

INPÂKNA HLABU 54:5

Ama chun suolna chu ka hmêlmahai chungah thung a ta; Nangin i thutakna lei chun anni chu sukbohmang rawh.

THUVARHAI 11:31

Ngai ta, mi fel chu hnuoia hin thung nîng a ta, Mi suol le mi khawhlohai khawm chu thung an va ni nasa awm de!

THUVARHAI 13:13

Tukhawm thu hmusittu chun ama chungah sietna ân tlun hlak a, Thupêk ṭitu ruok chu lâwmman pêkin um a tih.

THUVARHAI 17:13

Tukhawm thil ṭha aia thil ṭha naw pe lem chu, Thil ṭha naw a ina inthawkin fe hmang ngai naw nih.

THUVARHAI 24:16

Mi fel chu vawi sari tlu sien khawm a tho nâwk hlak si a, Mi khawhlohai ruok chu lungzîngnaa pei thlûkin an um.

ISAI 47:11

Chuleiin, thil ṭha naw i chungah hung tlung a ta; invêng dân khawm thiem naw ti ni; vângduoina khawmin hung vur a ti che a, chu chu sukbo thei naw ti nih: rausanna khawm kârlovin i chungah hung tlung thut a ta, chu chu hre lâwk naw ti nih.

EZEKIEL 7:5

“Lalpa Pathien chun hieng hin a tih; Thil ṭha naw, ṭha naw tak meu; en ta a hung a nih.

NAMBAR 32:23

Amiruokchu, chuong anga in thaw naw chun, ngai ta u, Lalpa chunga suol nîng in ta, in suol chun hmu suok ngei ngei a ti cheu ti hre ro.

THILTHAWHAI 28:4

Chun, chu ram mihai chun thilhring a kuta inkhai zing chu an hmu chun, “Hi mipa hi tuolthattu a ni phawt el, tuipuia inthawkin tlân suok sienla khawm, Phuba latu chun a dam a awi ta naw a ni hi,” an ta.