THUVARHAI 13:17 - Pathien Lekhabu Inthieng (BSI)

¹⁷ Thangko khawhlo chu thil suolah a tlu hlak a, Aiawtu ringum ruok chu a hrisêl a nih.

THUVARHAI 13:17 ပူးပေါင်းရင်းမြစ်များ

THUVARHAI 10:26

Uoin thûrin ha a sukṭim ang le, meikhuin mithai a sukthîp angin, Chuong ang chu a nih mi thabo chu a tirtuhai ta dingin.

THUVARHAI 13:18

Tlâksamna le inzakna chu inchûktirna sêlkaltu kuoma chun um an ta, Kâwkna pawisatu ruok chu chawimawi nîng a tih.

THUVARHAI 25:13

Ama tirtu ta dinga thangko ringum chu Busîk huna vûr deitak ang el hi a nih; A hotuhai lungril chu a sukhar hlak si a.

THUVARHAI 25:23

Hmâr thli chun ruo a hung ṭhuoi a, Chuong ang bawk chun mi demzuitu lei chun hmêl lunginsen a hung ṭhuoi.

THUVARHAI 26:6

Mi invêt kuta thucha thawntu chun, Ama kehai ngei chu a sât bawngin, sietna chu a dâwn a nih.

JEREMIA 23:28

Zâwlnei mang nei chun a mang chu hril sienla, keima thu hretu chun keia thu chu ringumtakin hril bawk raw se. Bu le a kûng chun ieng am inangna an nei a? Lalpa chun a tih.

EZEKIEL 3:18

Mi rilo kuomah thu ka hril a, ‘Nang chu matheilovin i thi ngei ding a nih,’ ka ti a, ama chu vaulâwkna khawm i lo pêk naw a, a hringna chu sanhimna dinga mi rilo chu a lampui rilova inthawk hung kîr dinga vaulâwkna i lo hril si naw chun; chu mi rilo chu ama suol ngeia chun thîng a tih, amiruokchu, a thisen maw chu nangmaa chun ka hung phût ding a nih.

NAMBAR 31:8

An mi thathai laia chun Midian mihai lalhai khawm an ṭhang ve a; Midian mihai lal panga Evi, Rekem, Zur, Hur le Reba hai, Beor naupa Balaam khawm kâwlhnâmin an that a.

1 KORINTH 4:2

Hitaka hin enkawltu chu mi ringum ni a ngai bawk a nih.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

2 KORINTH 5:20

Chuongchun, Krista aia palai kan na, Pathienin keini hmangin a ngên cheu ti thei a nih. “Pathien leh hung inrem ro,” tiin Krista aiin kan ngên cheu a nih.

1 TIMOTHE 1:12

A mi sukhrâttu Krista Isu ei Lalpa kuoma chun lâwmthu ka hril a nih; ringumah a mi ngai a, a rawngbâwltuah a mi ruot ta leiin.

2 TIMOTHE 2:2

Chun, hretu tamtakhai laia ka bâua thu i hriethai kha, chuong chu, mi ringum, mi danghai inchûktir sâwng thei dinghai kuoma chun inkawltir rawh.